ផ្ទះ ព័ត៌មានជាតិ ជិះម៉ូតូលឿន ជ...

ជិះម៉ូតូលឿន ជ្រុលទៅបុករ៉ឺម៉កដឹកបន្លែ ស្លាប់ម្នាក់ និងរបួសជាច្រើននាក់

0

ភ្នំពេញ: ករណីគ្រោះថ្នាក់ចរាចរណ៍មួយ រវាងម៉ូតូស្មាសបុកជាមួយរ៉ឺម៉កម៉ូតូយ៉ាងពេញទំហឹ បណ្ដាលឲ្យបុរសម្នាក់ស្លាប់ ពេលបញ្ចូនទៅដល់មន្ទីពេទ្យ​​ កាលពី​វេលាម៉ោង​៧យប់​ ថ្ងៃទី​២៨​ ខែ​មករា​ ឆ្នាំ​២០១៩​ ទល់មុខនិង​ក្រុមហ៊ុន​ ម៉ាសាដេស​ ផ្លូវ​៣០ម៉ែត្រ​ ភូមិ​ទួល​រការ​ សង្កាត់ចាក់​អង្រែក្រោម​ ខណ្ឌមានជ័យ​ រាជធានីភ្នំពេញ ។

ជនរងគ្រោះ​ មិន​ទាន់​ស្គាល់​អត្តសញ្ញាណ នៅឡើយទេ​ គ្រាន់តែដឹងថា​ វ័យប្រហែល​២៥ឆ្នាំ​ បានជិះម៉ូតូ​ម៉ាក់​ ស៊ុយសុគី​ ស្មាស​ ស៊េរីឆ្នាំ​២០០៥​ ពណ៌ខ្មៅ​ គ្មាន​ស្លាកលេខ​ (ស្លាប់) ។ ដោយ​ឡែក​ អ្នកបើក​រ៉ឺម៉ក​ម៉ូតូ​ មានឈ្មោះ​ ពន​ ភេទប្រុស​ អាយុ២២ឆ្នាំ​ មុខរបរ​ រត់រ៉ឺម៉ក​ ស្នាក់នៅ​ភូមិក្រៅយ៉ូវ​​ ស្រុកស្អាង​ ខេត្តកណ្តាល ។

សមត្ថកិច្ច បានឲ្យដឹងថា​ មុនពេលកើតហេតុ​ គេឃើញម៉ូតូ​សណ្តោង​រ៉ឺម៉ក​ ដឹក​បន្លែ​មួយគ្រឿង​ ជិះ​គ្នា​៤នាក់​ ក្នុង​នោះ​មាន​ស្ត្រីម្នាក់​ បានធ្វើដំណើរ​ពី​ស្រុក​ស្អាង​​មកភ្នំពេញ លុះ​មកដល់ចំនុច​កើតហេតុ​ ក៏មានម៉ូតូជនរងគ្រោះជិះម្នាក់ឯង ​ធ្វើដំណើរតាម​ផ្លូវ​៣០ម៉ែត្រ​ ទិសដៅ​បញ្ច្រាស​គ្នា​ក្នុង​ល្បឿនលឿន ក៏ជ្រុលចង្កូតទៅបុក​និង​រ៉ឺម៉ក​ម៉ូតូ​ដឹកបន្លែយ៉ាង​ពេញទំហឹង​ បណ្តាលឲ្យជនរងគ្រោះ​ជិះម៉ូតូ​ ហោះ​ផ្លោង​ឡើង​លើ​ចិញ្ចើម​ផ្លូវ​ រងរបួស​រយះ​ចង្ការ​ និង​ផុង​ក្រលៀន​ខាង​ឆ្វេង ។ 0ហើយ​ភ្លាមៗនោះដែរ​ ជនរងគ្រោះ​ ត្រូវ​រថយន្ត​សង្គ្រោះបន្ទាន់​ ដឹក​យក​ទៅ​សង្គ្រោះ​នៅ​មន្ទីពេទ្យ​កាល់ម៉ែត្រ​ តែជនរងគ្រោះបានស្លាប់ នៅពាក់កណ្តាល់ផ្លូវ​។

ចំណែកភាគីម៉ូតូ​សណ្តោង​រ៉ឺម៉ក​ មានមនុស្ស​រងរបួស​ រលាត់ដៃរលាត់ជើង​តិចតួច​ ដោយអ្នកបើកបរម៉ូតូ​ ​​ត្រូវ​សមត្ថកិច្ច​ឃាត់ខ្លួន​យកទៅ​សាកសួរ​នៅប៉ុស្តិ៍​នគរបាល​ចាក់​អង្រែក្រោម​ ។

ក្រោយ​ពេលកើតហេតុ​ សមត្ថកិច្ច​ជំនាញបានចុះ​ទៅ​ធ្វើការ​វាស់វែង ​យក​ម៉ូតូ​ទាំង​ពីរ​គ្រឿង​ ​ទៅកាន់ការិយាល័យ​ចរាចរណ៍ជើង​ ដើម្បីដោះស្រាយតាមក្រោយ។ រីឯសព ត្រូវ​យកទៅ​តម្កល់​ទុក​នៅ​វត្ត​ចាក់​អង្រែ​ក្រោម​ រងចាំរក​សាច់ញាតិ​បងប្អូន​មកទទួល​យក​ទៅ​ធ្វើ​បុណ្យ​តាម​ប្រពៃ​ណី​៕

Loading...

Leave a Reply

This site uses Akismet to reduce spam. Learn how your comment data is processed.