ភ្នំពេញៈ បុរសម្នាក់ជិះម៉ូតូលឿនដូចហោះ ខ្វះការប្រុងប្រយ័ត្ន ខណៈមកដល់ចំណុចផ្លូវបំបែកជាបួន ជ្រុលទៅបុករថយន្តេស៊េរីទំនើបបណ្ដាលធ្លាក់កាង រងការខូចខាតយ៉ាងដំណំ ចំណែកម្ចាស់ម៉ូតូរងរបួសស្រាល។
ហេតុការណ៍នេះកើតឡើងនៅវេលាម៉ោង១១និង៣០នាទីយប់ ថ្ងៃទី២៩ ខែមករា ឆ្នាំ២០១៩ ស្ថិតតាមបណ្ដោយផ្លូវR៦ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ជិះម៉ូតូឌ្រីមសង់០៩ ពាក់ស្លាកលេខ ក្រចេះ 1A-6624 ធ្វើដំណើរក្នុងទិសដៅពីត្បូងទៅជើង ក្នុងល្បឿនយ៉ាងលឿន លុះមកដល់ចំណុចកើតហេតុខាងលើបានជ្រុលទៅបុករថយន្តសេរីទំនើបម៉ាកBNW មិនមានស្លាកលេខ ចំហៀងការខាងក្រោយបណ្ដាលធ្លាក់រងការខូចខាតយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុបានឲ្យភាគីទាំង២សម្របសម្រួលគ្នាដោយខាងម្ចាស់រថយន្តទារសំណងចំនួន៣០០០ដុល្លារ តែខាងម៉ូតូមិនមានលុយទេមានតែ៧០០ដុល្លារប៉ុណ្ណោះដោយឃើញខាងម៉ូតូមិនមានលុយ៣០០០ដុល្លារ ទើបព្រមយកសំណងត្រឹម៧០០ដុល្លារដើម្បីបញ្ចប់រឿង៕
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-05.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-06.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-07-2.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-07.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-08.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-09.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-11.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2019/01/photo_2019-01-30_06-45-13.jpg?fit=1000%2C750&ssl=1)
មតិយោបល់