ព័ត៌មានជាតិ

​រថយន្តធុនធំ២គ្រឿងបុកគ្នា រងរបួសធ្ងន់ស្រាល២នាក់ នៅស្រុកបូទុមសាគរ!

កោះកុង: នៅវេលាម៉ោង​១០​​ព្រឹក ថ្ងៃទី​៣១ ខែមករា ឆ្នាំ២០១៩ នៅចំណុចលើផ្លូវជាតិលេខ ៤៨ ចន្លោះបង្គោល គីឡូម៉ែតលេខ ៤៧-៤៨ ភូមិប្រលាន ឃុំកណ្តោល ស្រុកបូទុមសាគរ ខេត្តកោះកុង បង្កឡើងដោយរថយន្ត FUSO មួយគ្រឿង ពណ៌ ត្រាយអ៊ី ពាក់ស្លាកលេខ ភ្នំពេញ3A-2327 បានបើកទៅបុករថយន្តម៉ាក FREIGHTLINER​ចំពីក្រោយ ដែលខូចចតនៅចិញ្ចើមផ្លូវ បណ្តាលឲ្យរងរបួសមនុស្សចំនួន​២​នាក់​។

រថយន្ត FUSO បើកបរដោយឈ្មោះ សុខ ហាន ភេទប្រុស អាយុ ៣៨ឆ្នាំ ជនជាតិខ្មែរ ទីលំនៅខេត្តកំពង់ចាម(​របួសស្រាល)។ ចំណែកឯ​រថយន្ត FREIGHTLINER បើកបរដោយឈ្មោះ តេង ហុង ភេទប្រុស អាយុ ២៤ឆ្នាំ ជនជាតិខ្មែរ ទីលំនៅ ឃុំស្វាយធំ ស្រុកស្វាយជ្រុំ ខេត្តស្វាយរៀង រងរបួសធ្ងន់ បែកក្បាល បញ្ជូនទៅព្យាបាលនៅមណ្ឌលសុខភាព​។
មូលហេតុ ខ្វះការប្រុងប្រយ័ត្ន ដោយអ្នកបើកបរខាងរថយន្តបង្ក​ងងុយដេក៕

មតិយោបល់