Post News Media ព័ត៌មានជាតិ កាន់តែងាយស្រួ...

កាន់តែងាយស្រួល! ប្រព័ន្ធ​ E-Gateដាក់ឲ្យប្រើប្រាស់ជាផ្លូវការហើយ សម្រាប់ប្រជាពលរដ្ឋខ្មែរ​ ដែលប្រើប្រាស់​ E-Passport​

យោងតាមផេក នាយកដ្ឋានច្រកទ្វារទី១ បានឲ្យដឹងថា នៅព្រឹកថ្ងៃទី០១​ ខែកុម្ភ:​ ឆ្នាំ២០១៩​ លោក​នាយឧត្តមសេនីយ៍​ គៀត​ ច័ន្ទថារិទ្ធ​ អគ្គនាយក​ នៃអគ្គនាយកដ្ឋានអន្តោប្រវេសន៍​ អញ្ជើញជាអធិបតី​ ក្នុងពិធីដាក់ឲ្យប្រើប្រាស់ជាផ្លូវការនូវប្រព័ន្ធ​ E-Gate សម្រាប់ប្រជាពលរដ្ឋខ្មែរ​ ដែលប្រើប្រាស់​ E-Passport​ (លិខិតឆ្លងដែនប្រភេទថ្មី​ សុពលភាព​​១០ឆ្នាំ)​ នៅប៉ុស្តិ៍អាកាសយានដ្ឋានអន្តរជាតិភ្នំពេញ ​អមដំណើរដោយ​ លោក ឧត្តមសេនីយ៍ឯក​ សុខ​ វាសនា​ អគ្គនាយករង​ និងជាប្រធាននាយកជនបរទេសមិនមែនអន្តោប្រវេសន្ត​ និងបច្ចេកវិទ្យា​,​ លោកឧត្តមសេនីយ៍ទោ​ ប្រធាននាយកដ្ឋានច្រកទ្វារទី១​ លោកឧត្តមសេនីយ​ អនុប្រធាននាយកដ្ឋាន​ និងមានការចូលរួមពី​ នាយ-នាយរងប៉ុស្តិ៍​ នាយ-នាយរងផ្នែក​ និងមន្ត្រីប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ៕