Post News Media ព័ត៌មានជាតិ រថយន្តហ្វតស៊េ...

រថយន្តហ្វតស៊េរីទំនើប០១៩ ស្លាកលេខ ភ្នំពេញ 2AZ-7587 ប៉ះគ្នាជាមួយរថយន្តព្រុស ម្ខាងអួតថាធ្វើការនៅខាងរដ្ឋលេខាធិការ ម្ខាងទៀតអួតថា ជាប៉េអឹមលើផ្ទៃប្រទេស ចុងក្រោយស្មើគ្នា..

ភ្នំពេញ: មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តម៉ាកហ្វតរ៉េនជ័រ ពណ៌ខ្មៅ ស៊េរីឆ្នាំ២០១៩ ស្លាកលេខ ភ្នំពេញ 2AZ-7587 បានប៉ះគ្នាជាមួយរថយន្តម៉ាកព្រុស ពាក់ស្លាកលេខ ភ្នំពេញ 2AK-9339 ដែលបើកស្របគ្នា បណ្តាលឲ្យរងការខូចខាត តែគ្មានអ្នករបួសនោះទេ ហើយភ្លាមៗនោះពេលប៉ះភ្លាម ម្ចាស់រថយន្តខាងហ្វតរ៉េនជ័រ បានអួតខ្លួនថាខ្លួនធ្វើការនៅខាង រដ្ឋលេខាធិការ ហើយភាគីខាងព្រុស បានអួតថាខ្លួនជាប៉េអឹមលើផ្ទៃប្រទេស ។

ហេតុការណ៍នេះកើតឡើងនៅម៉ោង១ ​និង៣៥ នាទី រសៀលថ្ងៃទី១ ខែកុម្ភ: ឆ្នាំ២០១៩ នៅចំណុចផ្លូវម៉ៅសេទុង សង្កាត់ ផ្សារដើមគរ ខណ្ឌ​ ទួលគោក រាជធានីភ្នំពេញ ។

ក្រោយកើតហេតុ សមត្ថកិច្ចនគរបាលចរាចរណ៍ខណ្ឌទួលគោក ចុះមកសម្របសម្រួល ដោយគ្មានអ្នកចាញ់ ឬអ្នកឈ្នះ បានន័យថាស្មើគ្នា រួចក៏បើករថយន្តចេញទៅបាត់តែម្តង៕