ផ្ទះ ព័ត៌មានជាតិ ជិះម៉ូតូទៅបុក...

ជិះម៉ូតូទៅបុករថយន្តរងរបួសធ្ងន់

0

ភ្នំពេញ: នារីម្នាក់បានរងរបួសធ្ងន់​ ត្រូវបានរថយន្តគិលានសង្គ្រោះគ្លីនិកឯកជន​ ដឹកយកទៅសង្គ្រោះ​ភ្លាមៗ​ បន្ទាប់ពីជិះម៉ូតូ​ Today ទៅបុកជាមួយរថយន្ត Highlander បើកបរដោយនារីរូបស្រស់ម្នាក់​ នៅចំណុចផ្លូវបំបែកជាបួន បង្កការភ្ញាក់ផ្អើលដល់អ្នកដំណើរ​រាយការណ៍​ប្រាប់សមត្ថកិច្ចឲ្យចុះពិនិត្យមើលភា្លមៗ​ កាលពីវេលាម៉ោង០១:៤៥នាទីរំលងអាធ្រាត្រ​ ឈានចូលថ្ងៃទី​០៤​ ខែកុម្ភ:​ ឆ្នាំ២០១៩នេះ​ នៅត្រង់ចំណុចផ្លូវបែកជាបួន​ ស្តុបបុរីកីឡា ផ្លូវលេខ១៨២(ទេពផន)​ កែងផ្លូវ២១១​ ស្ថិតក្នុងសង្កាត់វាលវង្ស​ ខណ្ឌ៧មករា​ រាជធានីភ្នំពេញ​។

អ្នករងរបួស​ឈ្មោះ​ ហ៊ូ​ ហ្ស៊ីហ្សឺលៀ​ ជឺហ្សី ភេទស្រី អាយុ១៩ឆ្នាំ មុខរបរជាសិស្សសាលាភាសាចិន​ ឆុង​ ជឹង​ ស្នាក់នៅសង្កាត់អូរបែកក្អម​ ខណ្ឌសែនសុខ​ ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តមួយគ្រឿង​ ម៉ាក Highlander ពណ៌ស​ ពាក់ស្លាកលេខភ្នំពេញ​ 2AN-9663 បើកបរដោយនារីរូបស្រស់ម្នាក់ រួមដំណើរដោយបុរសបរទេសម្នាក់ទៀត​ ធ្វើដំណើរតាមបណ្ដោយផ្លូវ១៨២ ក្នុងទិសដៅពីកើតទៅលិចលុះមកដល់ចំណុចកើតហេតុខាងលើស្រាប់តែមានម៉ូតូមួយគ្រឿងម៉ាកធូដេពណ៌បៃតងពាក់ស្លាកលេខភ្នំពេញ​ 1GM 8580 ធ្វើដំណើរតាមបណ្ដោយផ្លូវ២១១ ក្នុងទិសដៅពីជើងទៅត្បូងបានទៅបុករថយន្តផ្នែកខាងស្ដាំ បណ្ដាលឲ្យបោកផ្ទប់នឹងកញ្ចក់រថយន្ត រងរបួសធ្ងន់ ត្រូវបានរថយន្តគ្លីនិកឯកជន ហុងហាក់ បានមកដឹកយកទៅសង្គ្រោះភ្លាមៗ។

ក្រោយពេលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុរួចរាយការណ៍ប្រាប់សមត្ថកិច្ចផ្នែកវាស់វែងនៃអធិការនគរបាលខណ្ឌ៧មករា ចុះមកធ្វើការវាស់វែងនិងយកទៅរក្សាទុករង់ចាំធ្វើការដោះស្រាយតាមច្បាប់៕

Loading...

Leave a Reply

This site uses Akismet to reduce spam. Learn how your comment data is processed.