ភ្នំពេញ៖ ជនសង្ស័យម្នាក់បានលោតពីលើខុនដូជាន់ទី៧បណ្តាលឱ្យស្លាប់ពេលបញ្ជូនដល់មន្ទីរពេទ្យ និងជនសង្ស័យម្នាក់ទៀតបានត្រូវនគរបាលខណ្ឌចំការមនឃាត់ខ្លួន។ ករណីខាងលើបានធ្វើឡើងនៅថ្ងៃទី៤ ខែកុម្ភៈ ឆ្នាំ២០១៩ វេលាម៉ោង១២និង៣០នាទី នចំណុចមុខផ្ទះលេខ៣៩ ផ្លូវ៤៣២ ក្រុមទី៦ ភូមិ២ សង្កាត់បឹងត្របែក ខណ្ឌចំការមន រាជធានីភ្នំពេញ។
លោកវរសេនីយ៍ទោ ហេង ថារ៉េត អធិការរងខណ្ឌចំការមនបានឱ្យដឹងថាជនសង្ស័យទី១.ឈ្មោះ ផល ព្រួញ ភេទប្រុស អាយុ១៨ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវទំនប់កប់ស្រូវ សង្កាត់គោករការ ខណ្ឌពោធិ៍សែនជ័យ រាជធានីភ្នំពេញ មុខរបរ ជាងពិដាន និងទី២.ឈ្មោះ យួន ភេទប្រុស អាយុប្រហែល១៨ឆ្នាំ ជនជាតិខ្មែរ (មិនទាន់ស្គាល់អាស្រ័យដ្ឋាន) (ស្លាប់)។
វត្ថុតាងចាប់យកបានរួមមានៈម៉ូតូមួយគ្រឿងម៉ាកនិច ពណ៌ស ពាក់ស្លាកលេខ ភ្នំពេញ 1HL-3993។B Pheak Post News:
លោកអធិការបន្តថា នៅមុនពេលកើតហេតុ ជនសង្ស័យទាំង២នាក់ខាងលើ បានជិះម៉ូតូមួយគ្រឿងម៉ាកនិចខាងលើ ធ្វើសកម្មភាព ឆក់ទូរស័ព្ទដៃពីស្ត្រីជនរងគ្រោះកំពុងជិះម៉ូតូកង់បី នៅចំណុចកើតហេតុខាងលើ ដោយជនសង្ស័យឈ្មោះយួន ជាអ្នកបើកម៉ូតូផង និងជាអ្នកឆក់ផង តែឆក់មិនបានសម្រេច ដោយជនរងគ្រោះបានចាប់ដៃជនសង្ស័យជាប់ បណ្ដាលឲ្យដួលម៉ូតូ ពេលនោះជនសង្ស័យបាននាំគ្នាស្ទុះរត់គេចខ្លួន តែត្រូវបានប្រជាពលរដ្ឋ និងសមត្ថកិច្ចនគរបាលយើង ស្ទាក់ចាប់បានជនសង្ស័យម្នាក់ឈ្មោះផល ព្រួញ រួមនិងម៉ូតូដែលជិះធ្វើសកម្មភាពបញ្ជូនមកកាន់អធិការដ្ឋាននគរបាលខណ្ឌចំការមន ចំណែកជនសង្ស័យម្នាក់ទៀតឈ្មោះ យួន បានរត់គេច ចូលខុនដូដែលនៅក្បែរនោះ ឡើងទៅជាន់ទី៧ រួចលោតចុះមកក្រោមបម្រុងគេចខ្លួនបន្ត បណ្ដាលឲ្យរងរបួសធ្ងន់ធ្ងរ ហើយត្រូវបានស្លាប់បាត់បង់ជីវិតពេលដឹកតាមរថយន្តសង្គ្រោះយកទៅកាន់មន្ទីរពេទ្យមិត្តភាពខ្មែរសូវៀត។ ក្រោយកើតហេតុជនរងគ្រោះបានជិះម៉ូតូកង់បី ចេញទៅបាត់ដោយពុំបានដាក់ពាក្យបណ្ដឹងនោះទេ ៕
មតិយោបល់