ប្រតិបត្តិការស្វែងករអ្នកបាត់ខ្លួននៅក្នុងហេតុការណ៍លិចនាវាដឹកអ្នកដំណើររបស់កូរ៉េខាងត្បូងបានឈានដល់សប្ដាហ៍ទី២ហើយ នៅថ្ងៃពុធនេះ ហើយបើយោងតាមការបញ្ជាក់ពីអាជ្ញាធរចំនួនអ្នកស្លាប់បានកើនឡើងដល់ ១៤៦នាក់។ នេះបើយោងតាមការចេញផ្សាយរបស់សារព័ត៌មាន Channel News Asia នៅព្រឹកថ្ងៃពុធទី២៣ខែមេសានេះ។
សេចក្ដីរាយការណ៍បានបញ្ជាក់ថា ចំនួនអ្នកស្លាប់ដោយសារលិចនាវាបានកើនឡើងដល់ ១៤៦នាក់ និងបាត់ខ្លួនបានថយមកដល់ត្រឹម ១៥៦នាក់ ហើយហេតុការណ៍នៃការលិចនាវានេះនៅមិនទាន់មានសេចក្ដីពន្យល់ល្បាស់លាស់ឡើយ។
សាច់ញាតិរបស់អ្នកបាត់ខ្លួន បាននាំគ្នាទៅជួបជុំគ្នានៅកំពុងផែ Jindo ដើម្បីរងចាំព័ត៌មាន និងការស្វែងរក ហើយកន្លែងដែលពួកគេរងចាំនោះ មានចម្ងាយ ៣២០គីឡូម៉ែត្រពីកន្លែងដែលបានលិចនាវា៕
មតិយោបល់