ភ្នំពេញ: កាលពីវេលាម៉ោង១០និង៣០នាទីយប់ថ្ងៃទី០៥ ខែកុម្ភ: ឆ្នាំ២០១៩ មានករណីអគ្គិភ័យឆេះតូបលក់សំលៀកបំពាក់ តូបលក់ស្បែកជើង និងកាបូបមួយកន្លែង នៅក្នុងសួនឧទ្យានសុបិនចម្ការព្រីង ស្ថិតក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ ។
ម្ចាស់តូបមានឈ្មោះ ថាច់ ចិន្តាម្លិះ ភេទស្រី អាយុ៣៤ឆ្នាំ ជនជាតិខ្មែរ មុខរបរលក់ខោអាវ និងស្បែកជើង ស្នាក់នៅសង្កាត់គោកឃ្លាង។
សមត្ថកិច្ច បានឲ្យដឹងថា នៅមុនពេលកើតហេតុ គេឃើញមានផ្សែងហុយចេញ ពីខាងក្នុងតូបលក់ខោអាវខាងលើ ទើប នាំគ្នាស្រែកឆោឡោ យកបំពង់ពន្លត់អគ្គិភ័យមកបាញ់ពន្លត់អស់០៣បំពង់ តែមិនរលត់ ក៏រាយការណ៍ប្រាប់សមត្ថកិច្ចមូលដ្ឋាន ចុះមកពិនិត្យមើលជាក់ស្ដែង ។
ក្រោយទទួលបានដំណឹងភ្លាម អធិការនគរបាលខណ្ឌសែនសុខ បានដឹកនាំកម្លាំងចុះអន្តរាគមន៍ និងទាក់ទងរថយន្តពន្លត់អគ្គិភ័យ មកអន្តរាគមន៍ផងដែរ។
ករណីនេះ បានប្រើប្រាស់រថយន្តពន្លត់អគ្គិភ័យចំនួន០២គ្រឿង ដោយរលត់ទាំងស្រុង នៅម៉ោង១១យប់ថ្ងៃដដែលនេះ៕
មតិយោបល់