Post News Media ព័ត៌មានជាតិ បង្កហិង្សាញឹក...

បង្កហិង្សាញឹកញាប់ពេក ប្រពន្ធទ្រាំលែងបាន មកដាក់ពាក្យប្តឹងលែង ហើយបើចង់បានលុយវិញ សុំពីប្តី ដូចអ្នកសុំទាន

ភ្នំពេញ: ស្ត្រីម្នាក់ទ្រាំលែងបាន ក្រោយពីប្តីប្រើហិង្សាមកលើខ្លួន និងកូនញឹកញាប់ពេក ហើយឲ្យតែចង់បានលុយម្ដងៗ ត្រូវសុំពីប្តីដូចអ្នកសុំទាន។

ស្ត្រីខាងលើមានឈ្មោះ ញ៉េង​ ផល្លាងអាយុ៣០ឆ្នាំ ចំណែកបុរស ជាប្តីឈ្មោះ ស៊ីម​ ឃាង អាយុ៣៧ឆ្នាំ មុខរបរកសិករ អ្នកទាំងពីរមានលំនៅអចិន្ត្រៃ ជាមួយគ្នាភូមិចុងកោះ​ ឃុំកោះអណ្តែត​ ស្រុកស្រីសន្ធរ​ ខេត្តកំពង់ចាម បច្ចុប្បន្នស្នាក់នៅបន្ទប់ជួល ក្នុងសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ដោយប្រពន្ធធ្វើជាកម្មការិនីរោងចក្រ ចំណែក​ប្តីជាជាងផ្សាដែក។

តាមសម្ដីពីស្ត្រីជាប្រពន្ធ បានរាបរាប់ឲ្យដឹងថា គាត់និងប្តី បានរៀបអាពាហ៍ពិពាហ៍តាមច្បាប់ត្រឹមត្រូវ កាលពីឆ្នាំ២០១១ រយ:ពេលជិត៨ឆ្នាំ ដោយរស់នៅជាមួយគ្នាកន្លងមក មិនសូវជាមានសុភមង្គលឡើយ គឺប្តីតែងតែរករឿង និងប្រើហិង្សាមកលើគាត់ និងកូនៗ មិនថាស្រវឹង ឬមិនស្រវឹងទេ ឲ្យតែគាត់ខឹងប្រាកដជាប្រើហិង្សាក្នុងគ្រួសារហើយ។

ទើបគាត់បង្ខំចិត្តមកយកកូន ពីភ្នំពេញទៅស្រុក តែដោយខ្លាចប្តីប្រើហិង្សាមកលើខ្លួនទៀត នៅរសៀលថ្ងៃទី៧ខែ​ កុម្ភ:​ ឆ្នាំ២០១៩នេះ គាត់ រួមទាំងម្តាយ និងបងប្អូនប្រុស២នាក់ទៀត ក៏បានចូលមកប៉ុស្តិ៍ទួលសង្កែទី១ សុំឲ្យសមត្ថកិច្ចជូនទៅយកកូនៗ ពីកន្លែងស្នាក់នៅរបស់ប្តីត្រឡប់ទៅស្រុកវិញ៕

Loading...