កំពង់ចាមៈ កម្លាំងកងរាជអាវុធហត្ថខេត្តកំពង់ចាម ចុះបង្ក្រាបករណីជួញដូរថ្នាំញៀន ឃាត់ខ្លួនជនសង្ស័យចំនួន០៣នាក់ កាលពីវេលាម៉ោង៤និង៣០នាទីថ្ងៃទី០៦ ខែកក្កដា ឆ្នាំ២០១៦ នៅចំណុចផ្ទះសំណាក់យីហោ ពេញចិត្ត ស្ថិតក្នុងភូមិទី៤ សង្កាត់វាលវង់ ក្រុងកំពង់ចាម ខេត្តកំពង់ចាម។
ប្រភពឲ្យដឹងថា ជនសង្ស័យទាំង០៣នាក់ ទី១ឈ្មោះ អឿន ដានី ហៅ ស្រីនាង ភេទស្រី អាយុ២៩ឆ្នាំ មុខរបរមិនពិតប្រាកដ រស់នៅផ្ទះជួលក្នុងភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម។ ទី២ឈ្មោះ រឿន រុំ ហៅពៅ ភេទប្រុស អាយុ២៦ឆ្នាំ រស់នៅភូមិព្រែកស្វាយ ឃុំរអាង ស្រុកកំពង់សៀម ខេត្តកំពង់ចាម។ ទី៣ឈ្មោះ ភឹម រិទ្ធា ហៅអូន ភេទប្រុស អាយុ២៣ឆ្នាំ រស់នៅភូមិទី៦ សង្កាត់វាលវង់ ក្រុងកំពង់ចាម។
ក្រោយបង្ក្រាប កម្លាំងអាវុធហត្ថដកហូតវត្ថុតាងរួមមាន៖ ម្សៅក្រាមពណ៌សថ្លា (ម៉ាទឹកកក)ចំនួន០១កញ្ចប់ ទម្ងន់0.២៣ក្រាម ទូរស័ព្ទដៃ០២គ្រឿង (ចុចពិល) និងសម្ភារៈប្រើប្រាស់គ្រឿងញៀនមួយចំនួន។
បច្ចុប្បន្ន ជនសង្ស័យ និងវត្ថុតាងត្រូវបានឃាត់ខ្លួន ដើម្បីកសាងសំណុំរឿងចាត់ការតាមនីតិវិធី៕
មតិយោបល់