Post News Media ព័ត៌មានជាតិ ប្តីសុំ​អង្វរ...

ប្តីសុំ​អង្វរប្រពន្ធ​ឲ្យ​ត្រឡប់​មក​វិញ​ បើ​មិន​មក​ទេ​លែង​ឃើញ​មុខ​ប្តី​ទៀត​ហើយ​

​មណ្ឌលគិរី​:​យោងតាមផេករបស់អគ្គស្នងការដ្ឋាននគរបាលជាតិបានឲ្យដឹងថា បុរស​ម្នាក់​ បន្ទាប់​ពី​បាន​លែងលះ​ប្រពន្ធ​ ហើយ​រស់នៅ​តែម្នាក់ឯង​ នៅ​ចំណុច​ផ្ទះ​ជួល​ បន្ទប់​លេខ​១៣​ ជាន់​ទី​១​ ស្ថិត​នៅ​ភូមិ​កណ្ដាល​ សង្កាត់​ស្ពាន​មាន​ជ័យ​ ខេត្តមណ្ឌលគិរី​ ដោយ​នឹក​ប្រពន្ធ​ពេក​ ក៏​ទូរស័ព្ទ​ទៅ​ដោយ​អង្វរ​ឲ្យ​ប្រពន្ធ​ត្រឡប់​មក​រស់នៅ​ជាមួយ​គ្នា​វិញ​ តែ​ប្រពន្ធ​មិន​មក​ក៏​តូចចិត្តរហូតដល់សម្រេចចិត្ត​ចងក​ ធ្វើ​អត្តឃាត​ ។​

​ករណី​ចងក​ធ្វើ​អត្តឃាត​នេះ​ បាន​ធ្វើ​ឡើង​នៅ​ចំណុច​ផ្ទះ​ជួល​ បន្ទប់​លេខ​១៣​ ជាន់​ទី​១​ ស្ថិត​នៅ​ភូមិ​កណ្ដាល​ សង្កាត់​ស្ពាន​មាន​ជ័យ​ ក្រុង​សែន​មនោ​រម្យ​ ខេត្តមណ្ឌលគិរី​ កាលពី​ថ្ងៃ​ទី​៨​ ខែកុម្ភ:​ ឆ្នាំ​២០១៩​ វេលា​ម៉ោង​៨​និង​០០​នាទី​។​

​ជន​រង​គ្រោះ​ឈ្មោះ​ ឈឹ​ម​ ដា​រ៉ា​ ភេទ​ប្រុស​ អាយុ​៣៣​ឆ្នាំ​ ជនជាតិ​ខ្មែរ​ មុខរបរ​ស៊ីឈ្នួល​បើកឡាន​ ស្នាក់​នៅ​បណ្ដោះអាសន្ន​នៅ​កន្លែង​កើតហេតុ​ខាងលើ​។​

​ក្រោយ​ពី​កម្លាំង​ជំនាញ​នៃ​អធិការដ្ឋាន​នគរបាល​ក្រុង​សែន​មនោ​រម្យ​ បាន​ធ្វើការ​ពិនិត្យ​​សាកសព​រួច​ សន្និដ្ឋាន​ថា​ ពិតជា​បាន​ចងក​សម្លាប់​ខ្លួន​ពិតប្រាកដ​មែន​ ដោយ​មូលហេតុ​៖​ លែងលះ​គ្នា​ជាមួយ​ប្រពន្ធ​ ហើយ​ជន​រង​គ្រោះ​ធ្លាប់​ទូរស័ព្ទ​សុំ​ប្រពន្ធ​ជានា​គ្នា​វិញ​ តែ​ប្រពន្ធ​មិន​ព្រម​មក​ ប្តី​បាន​ប្រាប់​ថាបើ​មិន​មក​ទេ​ នឹង​មិនឃើញ​មុខ​គាត់​ទៀត​ទេ​៕

Loading...