ត្បូងឃ្មុំ: យោងតាមផេករបស់អគ្គស្នងការដ្ឋាននគរបាលជាតិ បានឲ្យដឹងថា ក្មេងស្រីអាយុ១៥ឆ្នាំម្នាក់ បានរត់ចេញពីផ្ទះក្រោយពីទទួលរងការស្តីបន្ទោសពីក្រុមគ្រួសារ ពាក់ព័ន្ធនិងបញ្ហារៀនសូត្រ។ ប្រភពពីម្តាយក្មេងស្រី បានរត់ចេញពីផ្ទះ គឺវេលាយប់ម៉ោង១១ជិតពាក់កណ្តាលអធ្រាត្រថ្ងៃទី១២ កុម្ភ:ឆ្នាំ២០១៩នេះ។ ក្មេងស្រីខាងលើ មានឈ្មោះទន់ មុន្នីរចនា អាយុ ១៥ឆ្នាំមានទីលំនៅជាមួយឪពុកម្តាយស្ថិតក្នុងភូមិធ្លក សង្កាត់សួង ក្រុងសួងខេត្តត្បូងឃ្មុំ។
ប្រភពពីម្តាយក្មេងស្រីបានឲ្យដឹងថា មុនពេលកើតហេតុ ក្មេងស្រីខាងលើបានអង្គុយញាំបាយ ជាមួយគាត់ ហើយគាត់សួរទៅកូនស្រីថា ទៅរៀនរាល់ថ្ងៃមិនដែលឃើញសៀវភៅ តាមដានការសិក្សាអញ្ចឹង? កូនស្រីឆ្លើយថា គ្រូធ្វើបាត់សៀវភៅនោះហើយ ហើយកូនស្រីក៏ដើរចូលទៅក្នុងបន្ទប់ រហូតដល់ម៉ោងប្រហែល១១យប់ ឪពុកបានឮសំឡេងអូសកៅអី ប៉ុន្តែមិនបានចាប់អារម្មណ៍ ចេញមកមើលទេ។ លុះដល់ម៉ោង០៦ និង៣០នាទីព្រឹក ឪពុកបានគោះទ្វារបន្ទប់ហៅកូនស្រីតែស្ងាត់ឈឹង។
គាត់ក៏ឡើងទៅបើកបង្អួច ទើបដឹងថា កូនស្រីចេញពីផ្ទះតាមទ្វារក្រោយបាត់ទៅហើយ ដោយទុកសំបុត្រ១ច្បាប់នៅក្នុងបន្ទប់៕
មតិយោបល់