ផ្ទះ ព័ត៌មានជាតិ ជំនាញនិងសកម្ម...

ជំនាញនិងសកម្មខាងលួច ឥទ្បូវជាប់ខ្នោះហើយ

0

ភ្នំពេញ: ជនសង្ស័យ២នាក់ជាមុខសញ្ញាចោរលួចម៉ូតូយ៉ាងសកម្ម ត្រូវបានកម្លាំងមានសមត្ថកិច្ច ចាប់វាយខ្នោះក្រោយពីពួកគេ ធ្វើសកម្មភាពលួចម៉ូតូមួយគ្រឿង បានសម្រច ហើយជិះគេចខ្លួនតាមផ្លូវ ត្រូវម្ចាស់ប្រទះឃើញស្រែកឆោឡោ ដេញចាប់ជាមួយសមត្ថកិច្ចបានភ្លាមៗ កាលពីវេលាម៉ោង៩ និង៤៥នាទីព្រឹក ថ្ងៃទី១៣ ខែកុម្ភ: នៅចំណុចផ្លូវលេខ១០៨ ក្នុងសង្កាត់វត្តភ្នំ ខណ្ឌដូនពេញ។

ជនសង្ស័យលួចម៉ូតូយ៉ាងសកម្មទាំង ២នាក់នោះទី១ ឈ្មោះ ពេជ្រ សុវណ្ណ អាយុ២៥ឆ្នាំ និងទី២ឈ្មោះ វី ខួច អាយុ២៨ឆ្នាំ ពួកគេមានមុខរបរ និងទីលំនៅ មិនពិតប្រកដដូចគ្នា។

សមត្ថកិច្ច បានឲ្យដឹងថា មុនពេលកើតហេតុ វេលាម៉ោងប្រមាណ ៣ទៀបភ្លឺ ឈានចូលថ្ងៃទី១៣ ខែកុម្ភ: ឆ្នាំ២០១៩ ក្រុមជនសង្ស័យបាននាំគ្នា ទៅធ្វើសកម្មភាពលួចម៉ូតូម៉ាក Let’s ពណ៌ក្រហម លាយស ពាក់ស្លាកលេខ ភ្នំពេញ ១GX-៨៣៨៥ មួយគ្រឿង នៅមុខផ្ទះនៅតាមបណ្តោយផ្លូវលេខ ១៣០ ក្នុងសង្កាត់ផ្សារចាស់។ ដោយបុរសជាម្ចាស់ម្នាក់ បានចាក់សោ.ក និងសោកង់ទុកយ៉ាងត្រឹមត្រូវ តែពេលត្រលប់មកមើលវិញ ទើបដឹងថា បាត់ ក៏នាំគ្នាជិះម៉ូតូដើររក រហូតដល់ម៉ោងខាងលើ ស្រាប់តែប្រទះឃើញ ជនសង្ស័យទាំង ២នាក់កំពុង​ជិះតាមផ្លូវ នាំគ្នាដេញនិងស្រែកឆោឡោ ក៏ឮដល់សណ្តាប់ធ្នាប់ ទើបឃាត់ខ្លួនជនសង្ស័យបានតែម្តង។

ក្រោយឃាត់ខ្លួនកម្លាំងសណ្តាប់ធ្នាប់ បញ្ជូនជនសង្ស័យទៅប៉ុស្តិ៍វត្តភ្នំ តែដោយសារកើតហេតុនៅប៉ុស្តិ៍ផ្សារចាស់ ទើបសមត្ថកិច្ចបញ្ជូន ទៅកាន់ប៉ុស្តិ៍នគរបាលផ្សារចាស់ ដើម្បីធ្វើកំណត់ហេតុ បញ្ជូនខ្លួនទៅកាន់អធិការដ្ឋានខណ្ឌដូនពេញ ចាត់ការទៅតាមនីតិវិធីបន្ត៕

Loading...

Leave a Reply

This site uses Akismet to reduce spam. Learn how your comment data is processed.