ភ្នំពេញ: គណ:អភិបាលខណ្ឌឬស្សីកែវ បានដឹកនាំក្រុមការងារ និងមន្ត្រីជំនាញពាក់ពន្ធ័ រួមទាំងកម្លាំងចម្រុះរបស់ខណ្ឌ ចុះបិទទីតាំងផលិតទឹកម្ទេស ទឹកត្រីបុក ទឹកសៀង និងប្រេងខ្យងមួយកន្លែង បន្ទាប់ពីមានពាក្យបណ្តឹងពីប្រជាពលរដ្ឋជិតខាង ដែលមានទីតាំងមិនសមស្រប នឹងដំណើរការផលិតកម្ម និងបានបង្កផលប៉ះពាល់ដល់ប្រជាពលរដ្ឋ។
ប្រតិបត្តិការនេះ បានធ្វើឡើងនាវេលាម៉ោង៩ព្រឹកថ្ងៃទី១៣ ខែកុម្ភ: ឆ្នាំ២០១៩ នៅទីតាំងសិប្បកម្មផលិតទឹកម្ទេស ទឹកប្រេងខ្យង ទឹកសៀង និងទឹកត្រីបុក របស់ឈ្មោះ ស៊ីន ប៊ុណ្ណា ភេទប្រុស អាយុ ៥១ឆ្នាំ ស្ថិតនៅផ្ទះលេខ៧៨ ផ្លូវលេខ២ ក្រុមទី១១ ភូមិទួលសំពៅ សង្កាត់ទួលសង្កែទី១ ខណ្ឌឬស្សីកែវ។
ទីតាំងសិប្បកម្មផលិតទឹកម្ទេស ទឹកប្រេងខ្យង ទឹកសៀង និងទឹកត្រីបុកខាងលើជារបស់ឈ្មោះ ស៊ីន ប៊ុណ្ណា ភេទប្រុស អាយុ ៥១ឆ្នាំ ស្ថិតនៅទីតាំងខាងលើ ។
ពាក់ព័ន្ធនឹងករណីនេះ អាជ្ញារខណ្ឌ បានធ្វើការបិទអាជីវកម្មសិប្បកម្មជាស្ថាពរនៅនឹងកន្លែង ទៅតាមការណែនាំរបស់រដ្ឋបាលរាជធានីភ្នំពេញ ប៉ុន្តែម្ចាស់ទីតាំងមិនសហការ ផ្តិតមេដៃទទួលស្គាល់ទ្បើយ។
តាមការបញ្ជាក់ពីប្រជាពលរដ្ឋ ដែលរស់នៅជិតខាងនោះ បានអះអាងថា ទីតាំងសិប្បកម្មខាងលើ មានដំណើរការផលិតពុំសមស្របតាមច្បាប់ទេ៕
មតិយោបល់