Post News Media ព័ត៌មានជាតិ បង្កការភ្ញាក់...

បង្កការភ្ញាក់ផ្អើល! ​អគ្គិភ័យ​ឆេះឃ្លាំង​ក្រដាស់​អេត​ចាយ​របស់ឈ្មោះ ឈឿន ប៊ុនឆន នៅស្រុកកោះធំ

កណ្ដាល: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា អគ្គិភ័យ​បានលេប​ត្របាក់​ឃ្លាំងក្រដាស​អេតចាយ​មួយកន្លែង​យ៉ាងសន្ធោសន្ធៅ បណ្ដាលឲ្យ​ក្រដាស​ដែលនៅក្នុង​ឃ្លាំងទទួល​រងការខូ​ចខាតអស់​មួយចំនួន​ផងដែរ ។

ហេតុការណ៍​ខាងលើនេះ បានបង្ក​ការភ្ញាក់​ផ្អើលឡើង នៅវេលា​ម៉ោង១០ និង១០នាទីយប់ថ្ងៃទី១៣ ខែកុម្ភ: ឆ្នាំ២០១៩ ស្ថិតក្នុង​ភូមិព្រែកទន្លា ឃុំព្រែកជ្រៃ ស្រុកកោះធំ ខេត្តកណ្តាល ។

មន្រ្ដីនគរបាលស្រុ​កកោះធំបាន​ឲ្យដឹងថា ឃ្លាំងអេតចាយ​ដែលត្រូវអគ្គិភ័យ​ឆាបឆេះ ជារបស់ឈ្មោះ ឈឿន ប៊ុនឆន ស្ថិតក្នុងភូមិព្រែកទន្លា ឃុំព្រែកជ្រៃ ស្រុកកោះធំ ខេត្តកណ្តាល ហើយការឆេះនេះ​ផងដែរ ក្រដាស​មួយចំនួនទទួលរង​ការខូច​ខាត​ទាំងស្រុង ។

ប្រភពដដែល​បន្ដថា នៅមុនពេល​កើតហេតុ កម្មករនៅ​ឃ្លាំងក្រដាស​អេតចាយ កំពុង​ដឹកស្តុក​បញ្ជូនចេញចូល​ជាធម្មតា ខណ:កម្មករ​កំពុងធ្វើ​ការក៏ស្រាប់​តែមានអណ្ដាត​ភ្លើងចេញពី​គំនរក្រដាស​ក្នុងឃ្លាំង ហើយក៏បានឆេះរាល​ដាលយ៉ាងសន្ធោសន្ធៅ ភ្លាមនោះក៏​មានការផ្អើល​ឆោឡោ និងរាយការណ៍​ជូនកម្លាំង​នគរបាល​ស្រុកកោះធំ ចុះអត្ដរាគមន៍​យករថយន្ដពន្លត់​អគ្គិភ័យ​ទៅពន្លត់ រហូតមកដល់​វេលាម៉ោង៤​ទៀបភ្លឺ ចូលថ្ងៃទី១៤ ខែកុម្ភ: ឆ្នាំ២០១៩ ទើបអគ្គិភ័យ​រលត់ទាំងស្រុង ។

ចំពោះករណី​ខាងលើនេះ សមត្ថកិច្ច​ជំនាញពុំ​ទាន់ដឹងថា បណ្ដាលមក​ពីមូលហេតុ​អ្វីច្បាស់​លាស់នេះ ដែលហេតុធ្វើ​ឲ្យកើតមាន​បែបនេះ៕