បន្ទាយមានជ័យ: យោងតាមផេកអគ្គនាយកដ្ឋានអន្តោប្រវេសន៍ បានឲ្យដឹងថា ក្នុងរយ:ពេលប៉ុន្មានថ្ងៃកន្លងមកនេះ មាន បណ្ដាញសារព័ត៌មាន និងបណ្ដាញទំនាក់ទំនងសង្គម បានលើកឡើងអំពីបញ្ហាមិនប្រក្រតី របស់មន្រ្តីនគរបាលនៅច្រកទ្វារអន្តរជាតិប៉ោយប៉ែត ដោយមានការអះអាងថា មន្រ្តីមួយចំនួនបានទាមទារប្រាក់ក្រៅផ្លូវការ ជាថ្នូរនឹងការបំពេញឯកសារលើលិខិតឆ្លងដែនចេញចូលប្រទេសថៃ។
អគ្គនាយកដ្ឋានអន្តោប្រវេសន៍ សូមជំរាបជូនដល់សាធារណជនឲ្យបានជ្រាបថា ក្រោយពីបានទទួលព័ត៌មានទាំងនេះ អគ្គនាយកដ្ឋានអន្តោប្រវេសន៍ បានធ្វើរកោះហៅមន្រ្តីទទួលខុសត្រូវច្រកទ្វារព្រំដែនមកសាកសួរ និងកំពុងចាត់វិធានការស្រាវជ្រាវចំពោះករណីនេះ យ៉ាងយកចិត្តទុកដាក់បំផុត។
អគ្គនាយកដ្ឋានអន្តោប្រវេសន៍ នឹងជំរាបជូនសាធារណជនឲ្យបានច្បាស់លាស់ ពាក់ព័ន្ធករណីនេះ ក្នុងពេលឆាប់ៗខាងមុខនេះ៕
មតិយោបល់