Post News Media ព័ត៌មានជាតិ ទប់ចិត្តមិនបា...

ទប់ចិត្តមិនបាន! ​មុខសញ្ញា​គ្រឿងញៀន​ចាក់សម្លាប់​គ្នា​

ព្រះសីហនុ: នៅ​​វេលាម៉ោង៧ យប់ថ្ងៃទី​១៣ ខែកុម្ភ: ឆ្នាំ២០១៩ មានករណីហិង្សាជនសង្ស័យជាមុខសញ្ញា​គ្រឿងញៀន​ចាក់សម្លាប់​គ្នា​ នៅ​តំបន់​ភ្នំខៀវ ស្ថិតនៅក្រុមទី២៧ ភូមិ១ សង្កាត់២ ក្រុង/ខេត្តព្រះសីហនុ បណ្តាលឲ្យ​ស្លាប់បុរសម្នាក់។

ជនរងគ្រោះ មិនទាន់ស្គាល់អត្តសញ្ញា ត្រូវបាជនសង្ស័យ​ យកវត្ថុរឹងស្រួចចាក់ចំកញ្ចឹងកខាងស្តាំ បណ្តាលដួលស្លាប់មួយរំពេច។

ក្រោយទទួល​បាន​ព័ត៌មាន​នេះ​ភ្លាម​ សមត្ថកិច្ច​បានចុះធ្វើការស្រាវជ្រាវ​​ រហូត​ដល់​កំណត់​មុខ​សញ្ញា​បាន​ ហើយ​ឈាន​ទៅ​ចាប់​ខ្លួនជនសង្ស័យបាន​ នៅវេលាម៉ោង ៤ និង៥៥នាទីរសៀលថ្ងៃទី១៤ ខែកុម្ភ: ឆ្នាំ២០១៩។

ជនសង្ស័យ ឈ្មោះ សុខ ឧត្តម ភេទប្រុស អាយុ ៣២ឆ្នាំ មុខរបរ មិនពិតប្រាកដ មានទីលំនៅ ភូមិ១ សង្កាត់​លេខ​៤ ក្រុង/ខេត្តព្រះសីហនុ ។

ចាប់យកបាន​វត្ថុ​តាង​មាន​៖ ដែកឆាប១ដើម (ឧបករណ៍ប្រព្រឹត្តិបទល្មើស) និង​កាំភ្លើងជ័រខ្លី ពណ៌ខ្មៅមួយ​។

នៅចំពោះមុខសមត្ថកិច្ច ជនសង្ស័យបានសារភាពថា៖ រូបគេពិតជាបានចាក់សម្លាប់ជនរងគ្រោះពិតប្រាកដមែន មូល​ហេតុ​ដោយសារ ជនសង្ស័យយកសាច់ជូបន្លំធ្វើជា​ថ្នាំ​ញៀន (ម៉ាទឹកកក) ដើម្បីលក់ទៅឲ្យជនរងគ្រោះ​ ក្នុងតម្លៃ ៣៥,០០០រៀល ពេលដែលជនរងគ្រោះ យកទៅប្រើប្រាស់​ ទើបដឹងថា ជាសាច់ជូ ក៏បានទៅរករឿងជនសង្ស័យ ​បានទាស់សម្ដីគ្នា កើតជាហិង្សាតែម្ដង។

បច្ចុប្បន្នជនសង្ស័យ ត្រូវសមត្ថកិច្ច​ជំនាញ​ ​កសាងសំណុំរឿង​តាម​នីតិវិធី​បញ្ជូនទៅសាលាដំបូងខេត្ត៕

Loading...