ស្ទឹងត្រែងៈ ករណីគ្រោះថ្នាក់ចរាចរណ៍ រវាងម៉ូតូបុករថយន្តដឹកដីបណ្ដាលឲ្យក្មេងស្រីអាយុ៦ឆ្នាំ ធ្លាក់ចូលពីក្រោមកង់រថយន្តកិនធ្លាយខួរស្លាប់ កាលពីយប់ថ្ងៃទី ១៤ ខែកុម្ភៈ ឆ្នាំ២០១៩ ស្ថិតនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែងខេត្តស្ទឹងត្រែង។
សមត្ថកិច្ច បានឲ្យដឹងថា នៅមុនកើតហេតុគេឃើញ ម៉ូតូមួយគ្រឿងធ្វើដំណើរពីត្បូងទៅជើង មកដល់ផ្លូវបំបែកជាបួនក៏បានប៉ះជាមួយរថយន្តបែនដឹកដីមួយគ្រឿង ធ្វើដំណើរច្រាស់ទិសគ្នា។ខណៈរថយន្ត កំពុងបត់ឆ្លងផ្លូវ ស្រាប់តែត្រូវម៉ូតូ ទៅបុកប៉ះកង់រថយន្ត បណ្ដាលឲ្យធ្លាក់ក្មេងស្រីអាយុ៦ឆ្នាំចូលក្រោមកង់រថយន្តកិនស្លាប់មួយរំពេច។
ក្រោយកើតហេតុសមត្ថកិច្ច បានឃាត់ខ្លួនតៃកុង និងរថយន្តទៅស្នងការដ្ឋាននគរបាលខេត្តស្ទឹងត្រែង ដើម្បីកសាងសំណុំរឿង ចាត់ការតាមនិតិវីធី។
មូលហេតុ៖ បណ្ដាលមកពីការប្រើប្រាសល្បឿនលឿន៕
មតិយោបល់