Post News Media ព័ត៌មានជាតិ រថយន្តរបស់មន្...

រថយន្តរបស់មន្រ្ដីរដ្ឋបាល​ព្រៃឈើនិងរបស់ជនជាតិចិនមួយគ្រឿងទៀតត្រូវរថយន្ត​កុងតឺន័រ​​ហ្វ្រាំងមិន​ស៊ី​ បុក​យ៉ាងពេញទំហ៊ឹង​ រួចជ្រុលបុកបង្គោល​ភ្លើង​​១ដើម​ និង​ កិនគម្របលូជាង២០​ផ្ទាំង​

ព្រះសីហនុ: ​កាលពីវេលាម៉ោង១៩និង២០នាទី ថ្ងៃទី​១៤ ខែ​កុម្ភ: ឆ្នាំ២០១៩ តាម​ផ្លូវឯករាជ្យ ជិតរង្វង់មូលត្រីដូហ្វីន សង្កាត់លេខ៣ ក្រុង/ខេត្តព្រះសីហនុ​ ​មានគ្រោះថ្នាក់ចរាចរណ៍មួយកើតឡើង បង្កដោយរថយន្តដឹកកុងតឺន័រ ១គ្រឿងម៉ាក HYUNDAI ពណ៌ខៀវពាក់ស្លាកលេខ ស្វាយរៀង​ 3A-1102 ចុះចំណោត​ពី​វេទិកា​បុណ្យ​ជាតិ​៧មករា​ រថយន្ត​បាន​ដាច់ហ្រ្វាំង ទៅបុកនឹងរថយន្ត ១គ្រឿង​ ពីក្រោយម៉ាក HONDA CRV ពណ៌ ទឹកប្រាក់ស្លាកលេខ ភ្នំពេញ 2R-2346 អ្នកបើកបរឈ្មោះឡាង សុគន្ធ ភេទប្រុស អាយុ ៤៥ឆ្នាំ មុខរបរមន្រ្ដីរដ្ឋបាល​ព្រៃឈើ មានទីលំនៅភូមិ១សង្កាត់លេខ៣ ក្រុង/ខេត្តព្រះសីហនុ ស្របទិសគ្នាបន្ទាប់​មក​រថយន្ត HONDA CRV បានខ្ទាតទៅបុករថយន្ត ០១គ្រឿងទៀត​ ម៉ាក ALPHARD ពណ៌សផ្លាកលេខ ភ្នំពេញ2AZ-0010 ដែល​ចតស្ងៀម​ នៅមុខហាង​ ម្ចាស់ឈ្មោះ WANG SONGBAI ភេទប្រុស អាយុ ៤៦ឆ្នាំ ជនជាតិចិន មានទីលំនៅ ភូមិ១ សង្កាត់លេខ៣ ក្រុង/ខេត្តព្រះសីហនុ បន្ទាប់មករថយន្ត​បង្កហេតុ​ បន្ត​ទៅបុកបង្គោលភ្លើងព្រមទាំងកិនបែកគម្រប​លូ តាម​ចិញ្ចើម​ថ្នល់​អស់​ជា​ច្រើន​ចន្លោះ​ ។
តុល្យការគ្រោះថ្នាក់នេះ​ មិនបណ្ដាលឲ្យរបួសដល់មនុស្សទេ ខូចខាត​តែ រថយន្តចំនួន ៣គ្រឿង​ បាក់បង្គោលភ្លើងអស់ ១ដើម និង​ បែក​គម្របលូ​ ចំនួន ២៥ផ្ទាំង ។
ក្រោយពេល​កើតហេតុ​ អ្នក​បើក​រថយន្ត​ បាន​រត់គេច​ខ្លួន​ តែ​គេ​បាន​ដឹង​ថា​រថយន្ត​នេះ​ជាកម្មសិទ្ធរបស់ក្រុមហ៊ុនS.DAM៕