Post News Media ព័ត៌មានជាតិ ផឹកស្រាស្រវឹង...

ផឹកស្រាស្រវឹង ​រករឿងឈ្លោះ ដេញវាយប្រពន្ធនៅក្នុងផ្ទះ ព្រមទាំងចាក់សោទ្វារបង្ខាំងទុក ត្រូវសមត្ថកិច្ចឃាត់ខ្លួន

កំពង់ស្ពឺ: កាលពីវេលាម៉ោង​ ៩ និង២០​នាទីយប់​ថ្ងៃទី១៩​ ខែកុម្ភ:​ ឆ្នាំ២០១៩​ មានករណីហិង្សាក្នុងគ្រួសារ បង្កឡើងដោយបុរសម្នាក់ជាប្ដី ឈ្មោះប៊ុន​ ចាន់​ អាយុ​ ៥១​ឆ្នាំ​ រស់នៅក្នុងភូមិគោគវាយ​ ឃុំក្រាំងចេក​ ស្រុក​ឧដុង្គ​ ខេត្ត​កំពង់​ស្ពឺ​ មុខរបរ​ ធ្វើស្រែ។

មូលហេតុ​៖​ ផឹកស្រាស្រវឹងរួចមករករឿង បង្កជ​ម្លោះជាមួយប្រពន្ធ​ ហើយបានដេញវាយប្រពន្ធនៅក្នុងផ្ទះ ព្រមទាំងចាក់សោទ្វារបង្ខាំងទុក ជនរងគ្រោះ​ជាប្រពន្ធ​មានឈ្មោះ​ ណន លៀប​ អាយុ​ ៣៩ឆ្នាំ​ មុខរបរ​ លក់ដូ។

តាមសម្ដីរៀបរាប់ពីប្រពន្ធ បានឲ្យដឹងថា​ ប្ដី​គាត់តែងហូបស្រាជាប្រចាំ​ ស្រវឹងមិនលោះថៃ្ងណាទេ​ ឲ្យតែស្រវឹងម្ដងៗរករឿងប្រពន្ធ ហើយទារលុយ​ បើមិនឲ្យគឺវៃតប់ គំរាមសម្លាប់ និងចាក់សាំងដុតសំលៀកបំពាក់ជាដើម​។

ករណីនេះ ​សមត្ថកិច្ច សហការជាមួយក្រុមប្រឹក្សាឃុំ​ មេឃុំ​ មេភូមិ​ កម្លាំងប្រជាការពារ និងបង​ប្អូនសា​ច់​ញាតិ​គ្រួសារជន​បង្ក​ ជួយអន្ដរាគ​មន៍​ គាស់ទ្វារ​រំ​ដោះយកជនរងគ្រោះ​ ចំណែក​ជន​បង្ក ត្រូវបានឃាត់ខ្លួនយកមក​កាន់អធិការដ្ឋាន​នគរបា​ល​ស្រុក​ កសាងសំណុំរឿង​ ចាត់​កា​រ​តាម​នីតិវិធី​ច្បាប់​៕