Post News Media ព័ត៌មានជាតិ ស្លន់ស្លោផ្អើ...

ស្លន់ស្លោផ្អើលទាំងយប់! អគ្គិភ័យឆេះក្នុងសាកលវិទ្យាល័យខេមរ: របួសមនុស្ស ៤នាក់ នៅខណ្ឌសែនសុខ

ភ្នំពេញ: នៅវេលាម៉ោង ០១ និង១៥នាទី​រំលងអធ្រាត្រ ឈានចូលថ្ងៃទី២២ ខែ​កុម្ភ: ឆ្នាំ២០១៩ មានករណីអគ្គិភ័យមួយកន្លែង បណ្ដាលឲ្យមនុស្ស ៤នាក់រងរបួស នៅក្នុងសាកលវិទ្យាល័យខេមរ: តាមណ្តោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ម្ចាស់សាកលវិទ្យាល័យខេមរ:ឈ្មោះ រស់ រ៉ាវុធ ភេទប្រុស អាយុ ៥៦ឆ្នាំ មុខរបរ នាយកសាកលវិឡាល័យ។ ប្រភេទសំណង់ ថ្មបេតុង មូលហេតុ៖ ឆ្លងចរន្តអគ្គិសនី។

សម្ភារខូចខាតរួមមាន៖ ឆេះបន្ទប់ហ្វូតូគូពី រួមមានម៉ាស៊ីនគូពីចំនួន ៤គ្រឿង​ លេបថប១៥គ្រឿង​ ម៉ាស៊ីនព្រីន ៥គ្រឿង ទូទឹកកក១គ្រឿង​ ម៉ូតូ២គ្រឿង​ ម៉ាស៊ីនកាត់ក្រដាស០១គ្រឿង នឹងពុំបានឆេះរាលដាលដល់ផ្ទះអ្នកនៅក្បែរខាងឡើយ ។

អគ្គិភ័យនេះ រថយន្តការិយាល័យពន្លត់អគ្គិភ័យចំនួន ១៥ គ្រឿង ចេញអន្តរាគមន៍ បានប្រើប្រាស់ទឹកអស់ ០៥ឡាន ស្មើនឹង ២០ម៉ែត្រគូប និងរថយន្តជំនួយ ស្រាបៀកម្ពុជាចំនួន ០១គ្រឿង ពុំបានប្រើប្រាស់ទឹក។

រលត់ជាស្ថាពរនៅម៉ោង ១ និង៤៥នាទីរំលងអធ្រាត្រ នាថ្ងៃខែឆ្នាំដដែល៕