Post News Media ព័ត៌មានជាតិ សូមបងប្អូនចូល...

សូមបងប្អូនចូលរួមគោរពច្បាប់ចរាចរណ៍ទាំងអស់គ្នា! យប់មិញ រថយន្តកៀរម៉ូតូ ស្លាប់ និងរងរបួសជាច្រើននាក់ នៅខេត្តព្រៃវែង

​ព្រៃវែង:​ ករណី​គ្រោះថ្នាក់​ចរាចរណ៍ ​រថយន្ត​ធុន​ធំ​បើក​កៀរ​ម៉ូតូ​៣​គ្រឿង បណ្ដាលឲ្យដួល ​ស្លាប់​ម្នាក់ភ្លាមៗ​ ​និង​៧​នាក់ទៀត​​របួសធ្ងន់​ស្រាល​ កាលពី​វេលា​ម៉ោង​ ៨​និង​១៥នាទីយប់ថ្ងៃ​ទី​២១​ ខែកុម្ភ:​ ឆ្នាំ​២០១៩​​ ស្ថិតនៅ​ភូមិ​ស្គ​ដាច​ ឃុំ​តា​កោ​ ស្រុក​ពោធិ៍​រៀង​ ខេត្តព្រៃវែង​។​

​មុន​ពេល​កើតហេតុ​ មាន​ម៉ូតូ​មាន​ចំនួន​៣​គ្រឿង​ ធ្វើដំណើរពី​កើត​ទៅ​លិច​មាន​គ្នា​ចំនួន​៨​នាក់​៖

ម៉ូតូទី១​ ​ម៉ាក​ C125​ ស៊េរី​២០១៣​ ពណ៌​ខ្មៅ​ ពាក់​ស្លាក​លេខ​ ភ្នំពេញ​ 1BU-0092​ បើកបរ​ដោយ​ឈ្មោះ​ ហឿ​ង​ ពុធ​ ភេទ​ប្រុស​ អាយុ​២៣​ឆ្នាំ​ របួសស្រាល​ អ្នក​រួម​ដំណើរ​២​នាក់​ ឈ្មោះ​ ផា​ ដែន​ ភេទ​ប្រុស​ អាយុ​២៣​ឆ្នាំ​ របួសស្រាល និងឈ្មោះ​ ភាព​ សុ​ភ័​ក្រ​ ភេទ​ប្រុស​ អាយុ​២២​ឆ្នាំ​ របួសស្រាល (​ម៉ូតូ​ជិះ​ខាង​មុខ​គេ​)​។​

​ម៉ូតូ​ទី២ ម៉ាក​វ៉េវ​ ពណ៌​ក្រហម​ គ្មាន​ស្លាក​លេខ​ ឈ្មោះ​ ផាត​ ស្នា​ ភេទ​ប្រុស​ អាយុ​១៨​ឆ្នាំ​ របួសធ្ងន់​ អ្នក​រួម​ដំណើរ​២​នាក់​ ឈ្មោះ​ អូន​ វិត​ ភេទ​ប្រុស​ អាយុ​១៩​ឆ្នាំ​ របួសស្រាល​ និងឈ្មោះ​ កិ​ញ​ សុ​ផាត​ ភេទ​ប្រុស​ អាយុ​២០​ឆ្នាំ​ របួសស្រាល​។​

​ម៉ូតូ​ទី៣ ម៉ាក​C125​ ស៊េរី​២០១៨​ ពណ៌​ខ្មៅ​ បើកបរដោយឈ្មោះ​ ណូ​ ភេទ​ប្រុស​ អាយុ​២៦​ឆ្នាំ​ ស្លាប់​នៅ​កន្លែង​កើតហេតុ​ និង​អ្នក​រួម​ដំណើរ​ឈ្មោះ​ ធុ​ល​ លី​ហ៊ា​ង​ ភេទ​ប្រុស​ អាយុ​២៣​ឆ្នាំ​របួសធ្ងន់​។​​ ​

សមត្ថកិច្ច បានឲ្យដឹងថា រថយន្ត​បង្កម៉ាក​ហ៊ី​យ៉ា​ន់​ដាយ​ ពណ៌​ស​ ពាក់​ស្លាក​លេខ​ ភ្នំពេញ​ 3C-4985​ ធ្វើដំណើរពី​លិចទៅ​កើត មក​ដល់​ចំណុច​កើតហេតុ​ បាន​កៀរ​ម៉ូតូ​ខាងលើ បណ្តាល​ឲ្យដួល​ស្លាប់ ​និង​របួសធ្ងន់​ស្រាល​ (តៃកុងគេចខ្លួនបាត់)។​

​ភ្លាមៗផងដែរ អ្នក​រង​របួស ត្រូវ​បាន​បញ្ជូន​ទៅ​មន្ទីរ​ពេទ្យ ចំណែកសព សមត្ថកិច្ច​បាន​ប្រគល់​ឲ្យ​គ្រួសារ​យក​ទៅ​ធ្វើបុណ្យ​តាម​ប្រពៃណី​។​

ក្រោយកើតហេតុ ​វ​ត្តុ​តាង​រថយន្ត​ និង​ម៉ូតូ​ទាំង​បី​គ្រឿង​ សមត្ថកិច្ច យក​ទៅ​រក្សា​ទុក​នៅ​ស្នងការដ្ឋាន​នគរបាល​ខេត្ត ដើម្បី​កសាង​សុំ​ណុំ​រឿង ​ចាត់ការតាម​នីតិវិធី​ច្បាប់៕

Loading...