កំពង់ស្ពឺៈ នៅវេលាម៉ោង១០និង៤៥នាទីព្រឹកថ្ងៃទី២៣ ខែកុម្ភៈ ឆ្នាំ២០១៩ មានករណីគ្រោះថ្នាក់ចរាចរណ៍ នៅលើផ្លូវជាតិលេខ៤ គីឡូម៉ែត្រលេខ ៥០ ស្ថិតក្នុងភូមិភ្នំដី សង្កាត់ច្បារមន ក្រុងច្បារមន ខេត្តកំពង់ស្ពឺ។
រថយន្ដម៉ាកFUSO ពណ៌លឿង ពាក់ស្លាកលេខភ្នំពេញ 3A.6127 សណ្ដោងសឺមីរ៉ឺម៉ក ពណ៌ខៀវ ពាក់ស្លាកលេខភ្នំពេញ 4A.0925 តៃកុងឡាន រត់គេចខ្លួនក្រោយកើតហេតុ។
សមត្ថកិច្ច បានឲ្យដឹងថា រថយន្ដខាងលើ ធ្វើដំណើរពីលិចទៅកើត មកដល់ត្រង់ចំណុចកើតហេតុ បានបុកម៉ូតូ០១គ្រឿង ម៉ាកហុងដាC125 ពណ៌ខ្មៅ ស៊េរី២០១២ ស្លាកលេខព្រៃវែង1F-2386 បើកបរដោយឈ្មោ វ៉ា វ៉ាត ភេទប្រុស អាយុ៣១ឆ្នាំ (ស្លាប់) ប្រពន្ធឈ្មោះ អូន ភាស់ អាយុ៣២ឆ្នាំប្រពន្ធ (ស្លាប់) ឈ្មោះ វ៉ាត វ៉ាន់ថា ភេទស្រី អាយុ៦ឆ្នាំ ត្រូវជាកូន និងឈ្មោះ វ៉ាត រក្សា ភេទប្រុស អាយុ១ឆ្នាំកូនទាំងពីរគ្មានរបួស មានទីលំនៅភូមិតាមោ ឃុំព្រែកអន្ទះស្រុ កពោធិ៍រៀង ខេត្តព្រៃវែង។
វត្ថុតាង ត្រូវបានយកមករក្សាទុកបណ្ដោះអាសន្ននៅ ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ដកំពង់ស្ពឺ។ មូលហេតុ៖ រថយន្តជៀសម៉ូតូនៅលើស្ពាន ហើយអាចមកពីកត្ដាផ្លូវតូចចង្អៀត ព្រោះស្ថិតនៅលើស្ពានតែម្ដង។
ករណីគ្រោះថ្នាក់ចរាចរណ៍នេះ សមត្ថកិច្ចនឹងបន្តស្រាវជ្រាវស្វែងរកម្ចាស់រថយន្ដ និងអ្នកបើកបរ ដើម្បីមកផ្ដន្ទាទោសតាមច្បាប់៕
មតិយោបល់