ភ្នំពេញៈ ស្រវឹងស្រាធ្លាក់ភ្នែក បើករថយន្ត បុករះរនាំងដែកពុះចែកទ្រូងផ្លូវបាក់អស់២ផ្ទាំង បណ្ដាលឲ្យរថយន្តបែកកង់ បើកទៅមុខលែងរួច កាលពីវេលាម៉ោង១និង១០នាទី រំលងអាធ្រាត ឈានចូលថ្ងៃទី០៩ ខែកក្កដា ឆ្នាំ២០១៦ ផ្លូវសហព័ន្ធរុស្ស៊ី ស្ថិតក្នុងសង្កាត់កាកាប ខណ្ឌពោធិ៍សែនជ័យ។
ប្រភពឲ្យដឹងថា បុរសស្រវឹងស្រាជោកជាំម្នាក់ បើករថយន្តលុចស៊ីស (Lexus Rx300) ពណ៌ស ស្លាកលេខភ្នំពេញ 2AK-1070 ទៅបុករនាំងដែកពុះចែកទ្រូងផ្លូវបាក់អស់២ផ្ទាំង បណ្ដាលឲ្យរថយន្តបែកកង់ បើកទៅមុខលែងរួច នៅមុខព្រលានយន្តហោះអន្តរជាតិភ្នំពេញ។
ក្រោយកើតហេតុទាំងអ្នកបើកបរ ទាំងរថយន្តត្រូវបានខាងជំនាញស្ទូចយកទៅរក្សារទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលក្រុងភ្នំពេញ ដើម្បីដោះស្រាយគ្នានៅពេលក្រោយ៕
មតិយោបល់