Post News Media ព័ត៌មានជាតិ ធ្វើការងារមិន...

ធ្វើការងារមិនកាកកប បែកគំនិតចេញឆក់ ត្រូវសមត្ថកិច្ចវាយខ្នោះ

ព្រះសីហនុ: នៅ​វេលា​ម៉ោង​ប្រមាណ​ ១០ និង៣០​នាទី​​ថ្ងៃទី​២៣​ ខែកុម្ភ:​ ឆ្នាំ​២០១៩​ សមត្ថកិច្ច​នគរបាលព្រហ្មទណ្ឌ​ ខេត្តព្រះសីហនុ បានបង្រ្កាប​មុខសញ្ញា ឆក់​កាបូប​បាន​ចំនួន​២​ នាក់​ នៅ​ផ្លូវ​ឯក​រាជ្យ សង្កាត់​លេខ​៤ ក្រុងព្រះសីហនុ។

ជនសង្ស័យ​ទាំង​ពីរ​ បាន​ឆក់​កាបូប​ស្ពាយ​ របស់​ស្ត្រី​ជនជាតិ​ចិន​ម្នាក់​ ដែល​កំពុង​ដើរ​កម្សាន្ត នៅ​ជិត​រង្វង់​មូល​តោ​ពីរ​ ក្រុង​ព្រះសីហនុ​។ ក្រោយកើតហេតុភ្លាម​ៗ​ សមត្ថកិច្ច​នគរបាល​ព្រហ្មទណ្ឌ​ ដែល​កំពុង​ល្បាត​បាន​ឃើញ​ ​ ក៏បាន​ដេញ​ចាប់​បាន​ជនសង្ស័យ​ទាំង​ពីរ​តែម្ដង។

នៅចំពោះមុខសមត្ថកិច្ច ​ជនសង្ស័យ​បាន​សារភាព​ថា​ ពួក​គេ​ទាំងពីរ​ ​មក​ធ្វើការ​ងារ​សំណង់​នៅខេត្តព្រះសីហនុ​ ​រយ:ពេល​ជាង​មួយ​ខែកន្លង​មកហើយ មាន​ស្រុក​កំណើត​នៅ​ខេត្ត​ព្រៃវែង​៕