បន្ទាយមានជ័យៈ កាលពីវេលាម៉ោង ២រសៀលថ្ងៃទី២៣ ខែកុម្ភៈ ឆ្នាំ២០១៩ សមត្ថកិច្ច បានចុះអនុវត្តដីការចាប់ខ្លួន និងបញ្ជាឲ្យចូលខ្លួនរបស់សាលាដំបូងខេត្តកំពត ដោយឃាត់ខ្លួនជនសង្សយ័ចំនួន ០៣នាក់ ក្នុងចំណោមបក្ខពួក ៤នាក់ ខណៈម្នាក់ទៀតគេចខ្លួន (កំពុងតាមរក)។

ជនសង្ស័យទាំងបីនាក់៖ ទី១.ឈ្មោះ នួន យាន ភេទប្រុស អាយុ ៣៦ ឆ្នាំ ទី២.ឈ្មោះ ស៊ុម ហយ ហៅពេជ្រ ភេទប្រុស អាយុ ២១ ឆ្នាំ និងទី៣.ឈ្មោះ ស៊ុម ង៉ុយ ភេទប្រុ ស.អាយុ ៤៣ឆ្នាំ ត្រូវបានឃាត់ខ្លួន នៅវេលាម៉ោង ១ និង៤៣នាទីរសៀលថ្ងៃទី២៣ ខែកុម្ភៈ ឆ្នាំ២០១៩ នៅចំណុចផ្ទះជួល ស្ថិតក្នុងភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ ពីបទលួចមានស្ថានទម្ងន់ (ក្រុមលួចរថយន្ត)។

បច្ចុប្បន្ន បានធ្វើការប្រគល់ជូនក្រុមការងាររបស់នាយកដ្ឋាន និងសមត្ថកិច្ចនគរបាលខេត្តកំពត ចាត់ការតាមនីតិវិធីបន្ត៕