ភ្នំពេញ: តាមសេចក្ដីរាយការណ៍បឋម បានឲ្យដឹងថា នៅវេលាម៉ោង ១១ និង២៥នាទីព្រឹកថ្ងៃទី២៥ ខែកុម្ភ: ឆ្នាំ២០១៩ ស្ថិតសង្កាត់បឹងត្របែក ខណ្ឌចម្ការមន រាជធានីភ្នំពេញ មានប្រជាពលរដ្ឋជាច្រើននាក់ បាននាំគ្នាមកយកម៉ូតូនៅឯមជ្ឈមណ្ឌលកម្សាន្តរ៉ុកបានហើយ ប៉ុន្តែលក្ខខណ្ឌតម្រូវឲ្យមានកាតគ្រីសម្គាល់យានយន្ត អត្តសញ្ញាណប័ណ្ណ។

តាមប្រភពពីសាច់ញាតិ បានប្រាប់ឲ្យដឹងថា អ្នកដែលឃាត់ខ្លួននៅស្នងការនគរបាលរាជធានីភ្នំពេញ បានត្រលប់មកដល់ផ្ទះវិញមួយចំនួនខ្លះហើយ នៅវេលាម៉ោង ១០ និង៣០នាទីយប់ថ្ងៃទី២៤ ខែកុម្ភ: ឆ្នាំ២០១៩ ។

ប្រជាពលរដ្ឋដែលមកយកម៉ូតូ បានលួចប្រាប់ព័ត៌មាន Post News ថា អ្នកខ្លះត្រូវចំណាយលុយអស់ចំនួន ១ម៉ឺនរៀល ទៅ១០ដុល្លារ យ៉ាងណាមិញរហូតមកទល់ពេលនេះ រថយន្តមិនទាន់មានម្ចាស់មកយកនៅទ្បើយទេ។ ចំណែកសមត្ថកិច្ច នៅតែបន្តយាមកាមយ៉ាងតឹងរ៉ឹងដដែល នៅមជ្ឍមណ្ឌលកម្សាន្តរ៉ុក៕