ព័ត៌មានជាតិ

Update៖ រហូតដល់ព្រឹកនេះ ករណីរថយន្តកងដឹកជញ្ជូន ឆ.ន បុកចូលផ្ទះប្រជាពលរដ្ឋ សរុបទឹកប្រាក់ ៣,៥០០០ ដុល្លារ ប៉ុន្តែម្ចាស់ផ្ទះមិនសហការជាមួយសមត្ថកិច្ច នៅខណ្ឌដង្កោ

ភ្នំពេញ: (ព័ត៌មានបឋម) តាមសេចក្ដីរាយការណ៍ បានឲ្យដឹងថា មានករណីរថយន្តដឹកទំនិញធុនធំមួយគ្រឿង របស់កងដឹកជញ្ជូន ឆ.ន បុកចូលផ្ទះប្រជាពលរដ្ឋ បង្កការភ្ញាក់ផ្អើលទាំងកណ្ដាលអធ្រាត្រ នៅវេលម៉ោង ១២ និង៣៤នាទី ឆ្លងចូលថ្ងៃទី២៧ ខែកុម្ភ: ឆ្នាំ២០១៩ ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។

ករណីគ្រោះថ្នាក់ចរាចរណ៍នេះ មិនមានអ្នករងរបួសនោះទេ តែខូចខាតសម្ភារ: ក្រោយកើតហេតុសមត្ថកិច្ច បានចុះទៅអន្តរាគមន៍ ប៉ុន្តែម្ចាស់ផ្ទះមិនព្រមសហការជាមួយសមត្ថកិច្ចទេ រហូតដល់ម៉ោង ៩ និង៤០នាទីព្រឹកថ្ងៃទី២៧ ខែកុម្ភ: ឆ្នាំ២០១៩ នៅតែមិនព្រមសហការដដែល ។

តាមប្រភពព័ត៌មាននៅកន្លែងកើតហេតុ សរុបជាទឹកប្រាក់នៅទីតាំងដែលរងការខូចខាតអស់ ចំនួន ៣.៥០០០ ដុល្លារ៕

មតិយោបល់