បន្ទាយមានជ័យ: រថយន្តមួយគ្រឿង បានរអិលបុកតគ្នា៣ បន្ទាប់ពីមានភ្លៀងកក់ខែ កាលពីម៉ោង០៥ និង៤០នាទី នៅលើផ្លូវជាតិលេខ៥ ត្រង់ចំណុចគីឡូម៉ែត្រលេខ៣៧៤ ទៅ៣៧៥ ស្ថិតក្នុងភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។
សមត្ថកិច្ចបានឲ្យដឹងថា រថយន្តធុនធំ១គ្រឿង ម៉ាក HYUNDAI ពណ៌ស ពាក់ស្លាកលេខភ្នំពេញ 3c-5100 អ្នកបើកបរឈ្មោះ ប៊ន លេខ ធ្វើដំណើរពីលិចទៅកើត មកដល់កន្លែងកើតហេតុ រថយន្ដដាច់-កង់វិលរេមកខាងឆ្វេង ជ្រុលទៅបុករថយន្តតូច ម៉ាកតូយ៉ូតាកាមរី ពណ៌ប្រផេះ ពាក់ស្លាកលេខបន្ទាយមានជ័យ 2A-418។ ភ្លាមៗផងដែរ ស្រាប់តែមានរថយន្ដរត់ទូ១គ្រឿងទៀត ម៉ាកសាំងយ៉ុង ពណ៌ទឹកប្រាក់ ពាក់ស្លាកលេខ2c-9348 បើកបរដោយឈ្មោះប៉ូ រ៉ាវី ភេទប្រុសអាយុ២៧ ឆ្នាំរស់នៅខេត្តកំពងធំ បានបុកតពីក្រោយរថយន្តហ៊ីយ៉ាន់ដាយ ដែលដាច់កង់ខាងលើ។
ករណីនេះ បណ្ដាលឲ្យមានរបួសធ្ងន់ស្រាល ត្រូវបានបញ្ជូនទៅកាន់នមន្ទីរពេទ្យខេត្តមិត្តភាពកម្ពុជា-ជប៉ុន មង្គលបូរី។ ចំណែករថយន្ត ខាងលើរក្សាទុកនៅ អធិការដ្ឋាននគរបាលស្រុកអូរជ្រៅ។
ដោយទ្បែកនៅភូមិសាស្ត្រសង្កាត់ទឹកថ្លា ក្រុងសិរីសោភ័ណ និងនៅភូមិសាស្ត្រសង្កាត់និមិត្តក្រុងប៉ោយប៉ែត ក៏មានគ្រោះថ្នាក់ចរាចរណ៍២ករណីទៀត ដែលមានការបុកគ្នា និងរអិលធ្លាក់ពីផ្លូវផងដែរ។
មូលហេតុ៖ គឺមកពីកត្តាបច្ចេកទេស និងមេឃភ្លៀង បង្កឲ្យរអិល ហើយពិបាកមើលឧបសគ្គខាងមុខ៕
មតិយោបល់