Post News Media ព័ត៌មានជាតិ បុគ្គលិកក្រុម...

បុគ្គលិកក្រុមហ៊ុនឯកជនជាជនបរទេស​ម្នាក់ ដេក​ស្លាប់​​ បង្កការភ្ញាក់ផ្អើល…

ភ្នំពេញ: យោងតាមផេកអគ្គស្នងការដ្ឋាននគរបាលជាតិ​ បានឲ្យដឹងថា មាន​ករណី​ជនបរទេស​ម្នាក់​ ស្លាប់​ដោយ​សង្ស័យ​គាំងបេះដូង​ នៅ​ចំណុច​ផ្ទះ​ជួល​ ផ្ទ​លេខ​៣៤E2​ ផ្លូវ​១០៨​ ភូមិ​០៥​ សង្កាត់​វត្ត​ភ្នំ​ ខណ្ឌដូនពេញ​ រាជធានី​ភ្នំពេញ​ កាលពី​ថ្ងៃ​ទី​៣​ ខែមីនា​ ឆ្នាំ​២០១៩​ វេលា​ម៉ោង​ ២និង​០០​នាទីរសៀល​ ។​

​ជន​រង​គ្រោះ​ឈ្មោះ​ Kurzen​ Pierre​ Andre​ ជនជាតិ​ស្វី​ស​ (Switzerland)​ ភេទ​ប្រុស​ អាយុ​៦១​ឆ្នាំ​ មុខរបរ​ បុគ្គលិក​ ក្រុមហ៊ុន​ ។​

​ក្រោយ​ហេតុការណ៍​កើតឡើង​ កម្លាំង​ជំនាញ​ខណ្ឌ​និង​ប៉ុស្តិ៍​បាន​ចុះ​ដល់​ និង​គ្រប់គ្រង​កន្លែង​កើតហេតុ​ ហើយ​រាយការណ៍​ជូន​ព្រះរាជអាជ្ញា​ និង​ការិយាល័យ​បច្ចេកទេស​វិទ្យាសាស្ត្រ​ និង​ ការិយាល័យ​ព្រហ្មទណ្ឌ​កម្រិត​ធ្ងន់​ ការិយាល័យ​អន្តោប្រវេសន៍​ ដើម្បី​បង្កើត​គណ:​ ក​ម្មា​ធិ​ការ​ធ្វើ​កោសល្យវិច័យ​ពិនិត្យ​សាកសព​។​

​ជា​លទ្ធផល​ តាម​ការ​ពិនិត្យ​ការិយាល័យ​ជំនាញ​បច្ចេកទេស​បាន​បញ្ជាក់​ ជន​រង​គ្រោះ​ស្លាប់​ដោយសារ​ គាំងបេះដូង​ (​បណ្ដាល​មក​ពី​ជំងឺ​បេះដូង​)​។​

​សម្ភារ​របស់​ជន​រង​គ្រោះ​រួម​មាន​៖​
-​ប៉ា​ស្ព​រ័​ ១​ក្បាល​
-​លេប​ថប​ ម៉ាក​ Lenovo​ ពណ៌​ខ្មៅ​ ១​គ្រឿង​
-​ទូរស័ព្ទ​ ulefone​ ពណ៌​ ខ្មៅ​ ១​គ្រឿង​
-​កាត​ ATM​ ០១​សន្លឹក​ /​ អត្តសញ្ញាណប័ណ្ណ​ ០១​សន្លឹក​ និង​សំភារ:​មួយ​ចំនួន​បាន​ប្រគល់​ឲ្យ​ការ​យា​ល័យ​អន្តោប្រវេសន៍​ក្រុង​ រក្សា​ទុក​។​

​ក្រោយ​ពី​ពិនិត្យ​រួច​ ខាង​ជំនាញ​បច្ចេកទេស​ បាន​ដឹក​សាកសព​ យក​ទៅ​តម្កល់​នៅ​សាល​តម្កល់សព​វត្ត​ស្ទឹង​មាន​ជ័យ​ សង្កាត់​ស្ទឹង​មាន​ជ័យ​ ខណ្ឌមានជ័យ​៕

Loading...