ផ្ទះ ព័ត៌មានជាតិ រថយន្ត​ស៊េរី​...

រថយន្ត​ស៊េរី​ទំនើបស្លាកលេខ ​ភ្នំពេញ​ 2BB-8827បើក​បត់ឆ្លង​ផ្លូវ​មិនប្រយ័ត្ន​ក៏​ត្រូវ​រថយន្ត​មួយ​គ្រឿង​ទៀត​បើក​មកគៀរងការខូចខាត​យ៉ាង​ដំណំ​

0

ភ្នំពេញ​: រថយន្ត​ស្ទូច​ដឹក​គ្រឿងចក្រ​មួយគ្រឿង​បើកបោះពួយ​យ៉ាង​ល្បឿន​ទៅ​កៀរ​ពី​មុខ​រថយន្ត​លុច ស៊ីស ស៊េរី​ទំនើប​មួយ​ទៀត​ដែល​បើក​បត់ឆ្លងផ្លូវដោយខ្វះ​ការ​ប្រុងប្រយ័ត្ន​ កាលពីវេលា​ម៉ោង​៩យប់​ ថ្ងៃទី​០៥​ ខែមិនា​ ឆ្នាំ​២០១៩​ ត្រង់ចំណុច​ខាងលិច​កងរាជអាវុធហត្ថរាជ​ធានីភ្នំពេញ​ តាមបណ្ដោយ​ផ្លូវ​វេងស្រេង​កែងនិងផ្លូវ​៣៧១​ ស្ថិតក្នុងសង្កាត់​ស្ទឹង​មាន​ជ័យ​ទី​៣​ ខណ្ឌ​មានជ័យ​​ រាជធានីភ្នំពេញ។

តាម​ប្រភព​ព័ត៌មាន​ពី​កន្លែង​កើត​ហេតុ​បាន​ឲ្យ​ដឹង​ថា​នៅមុន​ពេលកើតហេតុ​គេឃើញ​ស្ត្រី​ម្នាក់​បើករថយន្ត​ស៊េរី​ទំនើប​មួយ​គ្រឿង​ម៉ាក​ លុចស៊ីស NX200t​ ពណ៌​កណ្តុរ​ប្រមេះ​ ពាក់ស្លាកលេខ​ ភ្នំពេញ​ 2BB-8827 ដោយធ្វើដំណើរតាម​បណ្តោយផ្លូវ​៣៧១​​ ក្នុង​ទិសដៅ​ពី​ជើងទៅត្បូង​ លុះមកដល់​ចំណុច​កើតហេតុ​រថយន្ត​ខាងលើ​ ក៏​បានបើក​ឆ្លង​ផ្លូវ​វេងស្រេង​បំណង​បត់ទៅកើត​ឆ្ពោះទៅ​ច្រមុះ​ជ្រូក​ស្ទឹង​មានជ័យដោយខ្វះ​ការ​ប្រុងប្រយ័ត្ន​​។ ហើយខណ:​ពេល​ដែល​បត់​មិន​ទាន់​និង​ផុត​ផង​ក៏​ស្រាប់តែ​មាន​រថយន្ត​ស្ទូចដឹក​គ្រឿង​ចក្រ​​មួយ​គ្រឿង​ទៀត​ម៉ាក​ ហីយិនដាយ​ ពណ៌​ខៀវ​ ពាក់ស្លាកលេខ​ ភ្នំពេញ​3A-0831 ដែល​បើកបរ​ដោយ​បុរស​ម្នាក់​ តាម​បណ្តោយ​ផ្លូវ​វេងស្រេង​ ក្នុងទិស​ដៅ​ពី​លិច​ទៅ​កើត​ និងក្នុង​ល្បឿន​យ៉ាង​លឿន​។ ហើយ​បាន​ព្យាយាម​បើក​គេច​ពីរថយន្ត​ខាងលើទៅ​ខាង​ស្តាំ​ តែ​គេច​មិន​ផុត​ក៏​ជ្រុល​ទៅ​​កៀរ​រថយន្ដ​ស៊េរី​ទំនើប​ខាង​លើ​ចំ​ចំហៀង​ខាងស្តាំ​ផ្នែកខាងមុខពេញ​ទំហឹង​បណ្តាលឲ្យ​រងការខូចខាត​យ៉ាង​ដំណំ​ ចំណែក​ឯ​រថយន្ត​ស្ទូច​រងការខូចខាត​វៀច​កាង​និងបែក​កង់​ខាងក្រោយ​ចំហៀង​ខាង​ឆ្វេង​ ប៉ុន្តែ​មិនបង្ក​ឲ្យ​មាន​នរណា​ម្នាក់​រងរបួស​នោះទេ​។

ក្រោយ​ពេលកើតហេតុ​សមត្ថកិច្ច​មូល​ដ្ឋាន​ក៏​បាន​ចុះ​មក​ដល់​កន្លែង​កើត​ហេតុ​ ហើយ​ក៏​បាន​ឲ្យ​ភាគី​ទាំង​សងខាង​ធ្វើការ​សម្របសម្រួល​ដោះស្រាយ​គ្នា​បន្ទាប់​មក​ក៏មាន​តំណាង​ភាគី​រថយន្ត​ទាំង​ពីរ​បាន​ចូលមកដោះស្រាយ​គ្នា​ ដោយ​ភាគី​ខាង​រថយន្ត​ស្ទូច​មិន​ចង់​មាន​រឿង​រ៉ាវ​វែង​ឆ្ងាយ​ក៏​ព្រម​ចេញ​សំណង​ចំនួន​១៥០០ដុល្លារ​ឲ្យ​ទៅ​ភាគី​ខាង​រថយន្តលុចស៊ីសដើម្បី​បញ្ចប់​រឿង​នៅ​និង​កន្លែង​កើត​ហេតុ​៕

Loading...

Leave a Reply

This site uses Akismet to reduce spam. Learn how your comment data is processed.