បាត់ដំបងៈ យោងតាមផេកស្នងការដ្ឋាននគរបាលខេត្តបាត់ដំបងឲ្យដឹងថាពីថ្ងៃទី ៩ ខែមីនា ឆ្នាំ២០១៩ ដោយអនុវត្តនូវបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទណ្ឌ បានដឹកនាំកម្លាំងជំនាញក្នុងផែន ចូលរួមសហការណ៍ជាមួយកម្លាំងនគរបាលនៃអធិការដ្ឋាននគរបាលក្រុងបាត់ដំបង ធ្វើការស្រាវជ្រាវករណីហិង្សាដោយចេនាមានស្ថានទម្ងន់ទោសមួយករណីកាលពីកាលពីថ្ងៃទី ០៣ ខែ មីនា ឆ្នាំ ២០១៩ វេលាម៉ោង ០០និង៤០នាទីរំលងអាធ្រាតុនៅលើផ្លូវជាតិលេខ៥៧ ស្ថិតក្នុងភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបងដោយក្រុមជនស័ង្សយប្រើប្រាស់ដាវដេញកាប់ជនរងគ្រោះបណ្តាលឲ្យរងរបួសយ៉ាងធ្ងន់ធ្ងរ ក្នុងពេលដែលជនរងគ្រោះរោទ៍សម្លេងម៉ូតូខ្លាំងនៅចំពោះមុខពួកខ្លួនតែប៉ុណ្ណោះ។
ផ្តេីមចេញពីប្រតិបត្តិការនេះបានឃាត់ខ្លួនជនស័ង្សយចំនួន០២នាក់គឺទី
១ឈ្មោះ រ៉ាំ បូរី ហៅ ( សល់ , យក្ស ) ភេទប្រុស អាយុ ២១ឆ្នាំ មានទីលំនៅភូមិអណ្តូងព្រីង សង្កាត់អូរម៉ាល់ ក្រុងបាត់ដំបង ខេត្តបាត់ដំបង ។ ( ជាជនដៃ ដល់ )
ទី២ឈ្មោះ រ៉ើយ សារ៉ាន ភេទប្រុស អាយុ ២៤ឆ្នាំ មានទីលំនៅភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង ។ ( ជាអ្នកចូលរួមក្នុងសកម្មភាព )
ក្នុងនោះដកហូតវត្ថុតាងរួមមានៈ
– កាំបិតចំនួន ០៣ ដើម
– ម៉ូតូម៉ាកហុងដាឌ្រីម សេ១២៥ ពណ៌ក្រហម ស៊េរីឆ្នាំ ២០១៩ គ្មានស្លាកលេខ មួយគ្រឿង
– ម៉ូតូម៉ាកហុងដាឌ្រីម សេ១២៥ ពណ៌ ខ្មៅ ស៊េរីឆ្នាំ ២០១២ ពាក់ស្លាកលេខ បាត់ដំបង 1M 6051
ជនស័ង្សយទាំងពីរនាក់និងវត្ថុតាងកម្លាំងជំនាញកំពុងតែកសាងសំណុំរឿងបញ្ជូនទៅសាលាដំបូងខេត្តបាត់ដំបងចាត់ការតាមផ្លូវច្បាប់៕
មតិយោបល់