Post News Media ព័ត៌មានជាតិ ទាស់សម្ដីគ្នា...

ទាស់សម្ដីគ្នា​ក្នុង​វង់​ផឹកស៊ី​ បុរសម្នាក់ យក​កាំបិត​កាប់​មិត្ត​ភក្ដិ បណ្តាល​ឲ្យ​ស្លាប់

ពោធិ៍សាត់:​ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា បុរស​ម្នាក់​ ឈ្លោះប្រកែក​គ្នា​ក្នុង​វង់​ផឹកស៊ី​ យក​កាំបិត​កាប់​ទៅ​លើ​មិត្ត​ភក្ដិ​ បណ្តាល​ឲ្យ​ស្លាប់​ភ្លាមៗ​នៅ​នឹង​កន្លែង​ ស្ថិត​នៅ​ចំណុច​វាល​ស្បូវ​ ក្នុងភូមិ​ប្រ​ម៉ោ​យ​ ឃុំ​ប្រ​ម៉ោ​យ​ ស្រុក​វាល​វែង​ ខេត្តពោធិ៍សាត់​ ។​ ហេតុការណ៍​នេះ បាន​កើតឡើង​កាលពី​ថ្ងៃ​ទី​១១​ ខែមីនា​ ឆ្នាំ​២០១៩​ វេលា​ម៉ោង​២២​ និង​៤៩​នាទី​។​

យោង​តាម​របាយការណ៍​របស់​ លោក​វរសេនីយ៍ឯក​ ធាង​ ឡេ​ង​ អធិការ​ នៃ​អធិការដ្ឋាន​នគរបាល​ស្រុក​វាល​វែង​ បាន​ឲ្យ​ដឹង​ថា​ ជនសង្ស័យ​ឈ្មោះ​ អ៊ឹម​ វុ​ទ្ធី​ ភេទ​ប្រុស​ អាយុ​៣៣​ឆ្នាំ​ មានស្រុក​កំណើត​នៅ​ភូមិ​កាប់​គោ​ថ្មី​ សង្កាត់​អូរ​ចារ​ ក្រុង​បាត់ដំបង​ ខេត្តបាត់ដំបង​ ។​ ចំណែក​ជន​រង​គ្រោះ​ ឈ្មោះ​ ចាន់​ ពិនិត្យ​ ភេទ​ប្រុស​ អាយុ​២៣​ឆ្នាំ​ មានស្រុក​កំណើត​ នៅ​ភូមិ​ស្បូវ​រីក​ ឃុំ​លា​ច​ ស្រុក​ភ្នំក្រវាញ​ ខេត្តពោធិ៍សាត់​។​ តាម​ការ​ស្រាវ​ ជ្រាវ​របស់​សមត្ថកិច្ច​ នៅ​កន្លែង​កើតហេតុ​ បាន​អះអាង​ថា​ ករណី​ឃាតកម្ម​នេះ​ បណ្តាល​មក​ពី​ជនសង្ស័យ​ឈ្មោះ​ អ៊ឹម​ វុ​ទ្ធី​ ជា​ប្តី​ប្រច័ណ្ឌ​ប្រពន្ធ​ខ្លួន​ ទើប​បង្ក​ឲ្យ​មាន​អំពើ​ហិង្សា​ក្លាយជា​ឃាតកម្ម​នេះ ​កើតឡើង​តែ​ម្តង​ ។

លោកអធិការ បានបន្ត​ប្រាប់​ឲ្យ​ដឹង​ថា​ មុន​ពេល​កើត​ជនសង្ស័យ​ និង​ជន​រង​គ្រោះ​ បាន​នាំ​គ្នា​ផឹកស៊ី​ជាមួយ​គ្នា​ លុះ​ស្រវឹង​រៀងខ្លួន​ ក៏​បាន​ឈ្លោះប្រកែក​គ្នា​ ហើយ​ទំនងជា​ជនសង្ស័យ​ឈ្មោះ​ អ៊ឹម​ វុ​ទ្ធី​ ប្រច័ណ្ឌ​ជាមួយ​ជន​រង​គ្រោះ​ឈ្មោះ​ ចាន់​ ពិនិត្យ​ ទៅ​លើ​ប្រពន្ធ​របស់​ខ្លួន​ ក៏​ស្ទុះ​ទៅ​យក​កាំបិត​កាប់​ទៅ​លើ​ជន​រង​គ្រោះ​ចំនួន​០៣​កាំបិត​ បណ្តាល​ឲ្យ​ស្លាប់​ភ្លាមៗ​នៅ​នឹង​កន្លែង​ ក្រោយ​ធ្វើ​សកម្មភាព​រួច​ជនសង្ស័យ​ក៏​រត់គេច​ខ្លួន​បាត់​ ធ្វើ​ឲ្យ​មានការ​ភ្ញាក់ផ្អើល​ដល់​ប្រជាពលរដ្ឋ​សមត្ថកិច្ច​និង​អាជ្ញាធរ​មូលដ្ឋាន​ចុះ​ដល់​កន្លែង​កើតហេតុ​ ។​

បច្ចុប្បន្ន​សមត្ថកិច្ច​ កំពុង​តាម​ប្រ​ម៉ា​ញ់​ ដើម្បី​ចាប់ខ្លួន​ជនសង្ស័យ​ យក​មក​ផ្តន្ទាទោស​រក​យុត្តិធម៌​ ជូន​ជន​រង​គ្រោះ​ ចំពោះ​សាក សព​ត្រូវ​បាន​សមត្ថកិច្ច​ធ្វើ​កំណត់ហេតុ​ ប្រគល់​ជូន​ក្រុម​គ្រួសារ​ ធ្វើបុណ្យ​តាម​ប្រពៃណី​៕

Loading...