ពោធិ៍សាត់: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា គរបាលជំនាញព្រហ្មទណ្ឌក្រុងពោធិ៍សាត់ ឃាត់ខ្លួនបុរសម្នាក់ យកមកសួរនាំ ក្រោយទទួលបណ្ដឹងពីប្អូនស្រីបង្កើត នៅគ្រាដែលជនសង្ស័យរូបនេះ បានវាយ និងគំរាមសម្លាប់នាង។
ហេតុការណ៍ហិង្សាក្នុងគ្រួសារខាងលើ បានកើតឡើងនៅវេលាម៉ោង៩ និង០០នាទី ថ្ងៃទី១៤ ខែមិនា ឆ្នាំ២០១៩ ស្ថិតក្នុងភូមិអូរថ្កូវ សង្កាត់រលាប ក្រុង/ខេត្តពោធិ៍សាត់។
យោងតាមរបាយការណ៍ នគរបាលផ្នែកជំនាញព្រហ្មទណ្ឌ នៃអធិការដ្ឋាននគរបាលក្រុងពោធិ៍សាត់ បានឲ្យដឹងថា ជនសង្ស័យបង្កហេតុ ដែលក្រុមគ្រួសារទ្រាំពុំបាន ហើយសម្រេចដាក់ពាក្យបណ្ដឹងនោះ មានឈ្មោះ រុន រៀម ភេទប្រុស អាយុ ៣០ឆ្នាំ ជនជាតិខ្មែរ មុខរបរ មិនពិតប្រាកដ បច្ចុប្បន្នរស់នៅភូមិ.សង្កាត់កើតហេតុខាងលើ។
របាយការណ៍នគរបាលបន្តថា ជនបង្ក(រុនរៀម) បានវាយជាច្រើនដៃ និងគំរាមសម្លាប់ប្អូនស្រីបង្កើត ខណ:ជនបង្កជាបងប្រុស ប្រើប្រាស់គ្រឿងញៀនជាប្រចាំហាមមិនស្ដាប់នោះ ក៏ក្រុមគ្រួសារប្តឹងមក សមត្ថកិច្ចនគរបាល ឲ្យចាប់ខ្លួនអនុវត្តតាមច្បាប់។ បច្ចុប្បន្នជនសង្ស័យ កំពុងឃុំឃាំងជាបណ្តោះអាសន្ន នៅអធិការដ្ឋាននគរបាលក្រុងពោធិ៍សាត់៕
មតិយោបល់