Post News Media ព័ត៌មានជាតិ អេ​ស្កា​វ​ទ័​...

អេ​ស្កា​វ​ទ័​រ​១​គ្រឿង​របស់​ក្រុមហ៊ុន​ធ្វើ​ថ្នល់ជាតិ​លេខ​៥​លួច​ធ្វើ​សកម្មភាព​កាយ​ដី​ភ្នំ​

ពោធិ៍សាត់: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា គ្រឿងចក្រ​អេ​ស្កា​វ​ទ័​រ​១​គ្រឿង ​ដែល​ជា​របស់​ក្រុមហ៊ុន​មួយ​ ទទួល​ស្ថាបនា​ផ្លូវជាតិ​លេខ​៥​ ហើយ​បែរ​ទៅ​លួច​ធ្វើ​សកម្មភាព​កាយ​ដី​ភ្នំ​ គ្មាន​លិខិតអនុញ្ញាត​នោះ​ ត្រូវ​បាន​កម្លាំង​អធិការដ្ឋាន​នគរបាល​​ស្រុក​ក្រគរ​ ប៉ុស្តិ៍​រដ្ឋ​អ​ន្សា​ចំបក់​ ទទួល​បទបញ្ជា​ពី​លោក​អភិបាលខេត្ត​ពោធិ៍សាត់​ និង​លោក​ ព្រះរាជអាជ្ញា​អម​សាលាដំបូង​ខេត្ត​ សហការ​ចុះ​ឃាត់​រក្សា​ទុកជា​បណ្តោះអាសន្ន​។​

​ប្រតិបត្តិការ​ខាងលើ​ធ្វើ​ឡើង​ នៅ​វេលា​ម៉ោង​១១​ និង​០០​នាទី​ព្រឹក​ថ្ងៃ​ទី​១៥​ ខែមិនា​ ឆ្នាំ​២០១៩​ ត្រង់​ចំណុច​អ្នកតា​ធំ​ ស្ថិត​ក្នុងភូមិ​ក្បាលដំរី​ ឃុំ​អ​ន្សា​ចំបក់​ ស្រុក​ក្រគរ​ ខេត្តពោធិ៍សាត់​។​

​ប្រភព​ព័ត៌មាន​ពី​កម្លាំង​ចុះ​ប​ត្ត្រិ​ប​ត្តិ​ការ​បង្ហើប​ថា​ គ្រឿងចក្រ​(​អេ​ស្កា​វ​ទ័​រ​)​ ព​ណ៌​លឿង​ ១​គ្រឿង ​ដែល​កម្លាំង​ឃាត់​ខាងលើ​ ជា​គ្រឿងចក្រ​របស់​ក្រុមហ៊ុន​ធ្វើ​ផ្លូវ​ថ្នល់ជាតិ​លេខ​៥​ ការ​ឃាត់​នេះ ​ជា​បទបញ្ជា​របស់​លោក​អភិបាលខេត្ត​ពោធិ៍សាត់​ និង​លោក​ ព្រះរាជអាជ្ញា​អម​សាលាដំបូង​ខេត្ត​ នៅ​គ្រា​ដែល​គ្រឿងចក្រ​ (​អេ​ស្កា​វ​ទ័​រ​)​ខាងលើ​ធ្វើ​សកម្មភាព​កាយ​ដី​ភ្នំ​ដោយ​គ្មាន​លិខិត​អនុញាតិ​។​

ក្រោយ​ឃាត់​វត្ថុ​តាង​គ្រឿងចក្រ​ (​អេ​ស្កា​វ​ទ័​រ​) ​រក្សា​ទុកជា​បណ្ដោះអាសន្ន​ នៅ​ប៉ុស្ដិ៍​នគរបាល​រដ្ឋបាល​អ​ន្សា​ចំបក់ ​រង​ចាំ​ដោះស្រាយ​តាម​ច្បាប់​៕