ភ្នំពេញ: យោងតាមផេករបស់អគ្គស្នងការនគរបាលជាតិបានឲ្យដឹងថា នៅថ្ងៃទី១៥ ខែមិនា ឆ្នាំ២០១៩ វេលាម៉ោង១០និង៣០នាទី មានករណីផ្ទុះអាវុធបណ្តាលមកពីការរាលដៃធ្វើឲ្យរងរបួសដាច់ចង្អុលដៃ នៅចំណុចក្នុងចំណតរថយន្តបុរីពិភពថ្មីសែនសុខ ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។
ជនរងគ្រោះឈ្មោះ ផង់ សុផល ភេទប្រុស អាយុ៥១ឆ្នាំ ជនជាតិខ្មែរ មុខរបរនគរបាល(នាយកដ្ឋានចរាចរណ៍ និងសណ្តាប់ធ្នាប់ក្រសួងមហាផ្ទៃ) ស្នាក់នៅផ្ទះលេខ៤៤ ផ្លូវលំ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ (របួសចង្អុលដៃខាងឆ្វេង) ។
សម្ភារ:បន្សល់ទុកមាន អាវុធខ្លី០១ដើម ម៉ាកK54 លេខ៥៩០០០២៦៦ និង០៧គ្រាប់ . បណ្ណសំគាល់អាវុធ០១ច្បាប់ និងលិខិតបេសកកម្ម ០១ច្បាប់ រក្សាទុកនៅអធិការដ្ឋាន ។
តាមព័ត៌មានឲ្យដឹងថា មុនពេលកើតហេតុ ជនរងគ្រោះបានរៀបអពាហ៍ពិពាហ៍កូន នៅចំណុចខាងលើ ។ លុះដល់ម៉ោងកើតហេតុ ជនរងគ្រោះបានយកលុយចំណងដៃទុកក្នុងឡានក្នុងគោលបំណងយកត្រឡប់ទៅផ្ទះ ហើយបានដកកាំភ្លើងពីក្នុងហោប៉ៅខោអាម៉េបញ្ចូលគ្រាប់ទុកការពារខ្លួនពេលត្រឡប់ទៅផ្ទះ ទើបបណ្តាលឲ្យរាលកៃកាំភ្លើងផ្ទុះត្រូវចំម្រាមដៃខាងឆ្វេងខ្លួនឯងតែម្តង ៕
មតិយោបល់