ផ្ទះ ព័ត៌មានជាតិ ឃាត់ខ្លួនមនុស...

ឃាត់ខ្លួនមនុស្ស​៣០នាក់ ក្នុងទីតាំងខារ៉ាអូខេ SC រកឃើញគ្រឿងញៀន… នៅកណ្ដាលក្រុងសៀមរាប

0

សៀមរាប: លោកឧត្តមសេនីយ៍ត្រី អ៊ុំ អមរ៉ា ស្នងការរងទទួលផែនប្រឆាំងបទល្មើស គ្រឿងញៀនខេត្តសៀមរាប បានប្រាប់ Post News ថា កម្លាំងនគរបាលខេត្តសៀមរាប សហការជាមួយកម្លាំងនៃមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ នៅយប់ថ្ងៃទី១៦ ខែមិនា ឆ្នាំ២០១៩ បានបើកប្រតិបត្តិការចុះបង្ក្រាបគ្រឿងញៀន ក្នុងទីតាំងខារ៉ាអូខេមួយកន្លែងយីហោ «SC» ស្ថិតនៅសង្កាត់ស្លក្រាម ក្រុងសៀមរាប ខេត្តសៀមរាប ដោយឃាត់ខ្លូនមនុស្ស៣០នាក់។

ប្រតិបត្តិការនេះ ធ្វើឡើងដោយអនុវត្តតាមបទបញ្ជារបស់ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ។

ជាក់ស្ដែងការបង្ក្រាបនៅយប់មិញនេះ ក្រោមការបញ្ជាពីលោក ទៀ សីហា អភិបាលខេត្តសៀមរាប និងជាប្រធានគណ:បញ្ជាការឯកភាពខេត្ត, លោកឧត្តមសេនីយ៍​ទោ ទិត្យ ណារ៉ុង ស្នងការនគរបាលខេត្តសៀមរាប និងស្ថិតក្រោមការសម្របសម្រួលពី លោក ថេង សំណាង ព្រះរាជអាជ្ញារង អមសាលាដំបូងខេត្ត។

បើតាមលោកឧត្តមសេនីយ៍ត្រី អ៊ុ អមរ៉ា ប្រតិបត្តិការបង្ក្រាបគ្រឿងញៀន នៅទីតាំងខារ៉ាអូខេ SC នេះកម្លាំងជំនាញ ឃាត់ខ្លួន​បានមនុស្ស​៣០នាក់​ (ស្រី០៧​នាក់) ដកហូតវត្ថុតាង ថ្នាំញៀនប្រភេទម៉េតំហ្វេតាមីន​២១កញ្ចប់, ថ្នាំញៀន អិចស្តាស៊ី៩គ្រាប់ និងសម្ភារសម្រាប់ប្រើប្រាស់គ្រឿងញៀនមួយចំនួន។

បច្ចុប្បន្ន​កម្លាំងជំនាញកំពុងកសាងសំណុំរឿង ដើម្បីបញ្ជូនទៅកាន់សាលាដំបូងខេត្តសៀមរាប ចាត់ការបន្ដតាមនីតិវិធី៕

Loading...

Leave a Reply

This site uses Akismet to reduce spam. Learn how your comment data is processed.