ព័ត៌មានជាតិ

ល្បួងលួងលោមក្មេងស្រីរងគ្រោះចេញមកខាងក្រៅសាលា ហេីយឲ្យដោះខ្សែកនិងកងដៃ ពេលនេះសមត្ថកិច្ចកំពុងស្រាវជ្រាវ

ភ្នំពេញ: យោងតាមផេករបស់អគ្គស្នងការដ្ឋាននគរបាលរាជធានីភ្នំពេញបានឲ្យដឹងថា សេចក្តីបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងករណីលួច ដោះយកកងដៃនិងខ្សែកសិស្សសាលានៅថ្ងៃទី០៩ ខែមករា ឆ្នាំ២០២១ វេលាម៉ោង០៧និង១៥នាទី នៅចំណុចផ្លូវបេតុង ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ពិតជាមានករណីលួងលោមក្មេងស្រីដេីម្បីដោះយកគ្រឿងអលង្កា ជនរងគ្រោះឈ្មោះ ម៉ៅ ម៉ាលីកា ភេទស្រី អាយុ១០ឆ្នាំ ជាសិស្សថ្នាក់ទី៤ មានទីលំនៅផ្ទះលេខB16 ផ្លូវបេតុង ក្រុមទី០១ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។ សំភារ:បាត់បង់រួមមានខ្សែក ០១ខ្សែ មានតម្លៃ ២៣០ដុល្លា និងកងដៃ ០១កងមានតម្លៃ ១៧០ដុល្លា ។

ដំណេីររឿងហេតុ ៖ កុមារីដែលជាជនរងគ្រោះបានចេញទៅសាលា ពេលរៀបដេីរចូលទៅថ្នាក់រៀនត្រូវបានស្រ្តីវ័យចំណាស់ម្នាក់ និងកុមារីម្នាក់ដែរមិនស្គាល់បាននិយាយល្បួងលួងលោម ឲ្យក្មេងស្រីរងគ្រោះចេញមកខាងក្រៅសាលា ហេីយនិយាយបញ្ឆោតឲ្យក្មេងស្រីរងគ្រោះដោះខ្សែកនិងកងដៃដាក់ក្នុងកាបូបខ្លាចគេលួច បន្ទាប់មកស្រ្តីវ័យចំណាស់និងក្មេងស្រីជាបក្សពួកបានធ្វេីសកម្មភាពដោះខ្សែកនិងកងដៃរបស់ក្មេងស្រីជនរងគ្រោះ បានសម្រេច រួចឡេីងជិះម៉ូតូបក្ខពួករបស់ខ្លួនជាបុរសម្នាក់បេីកគេចខ្លួនបាត់ ទៅ ។ ក្រោយពេលកេីតហេតុអាណាព្យាបាលរបស់ជនរងគ្រោះបានទូរសព្ទ័មកប្តឹងសមត្ថកិច្ចប៉ុស្តិ៍នគរបាលរដ្ឋបាលឫស្សីកែវ ពេលនោះសមត្ថកិច្ចបានចុះទៅដល់កន្លែងកេីតហេតុភ្លាមៗ ដេីម្បីបេីកការស្រាវជ្រាវឆែកមេីលរូបភាពកាម៉េរ៉ាសុវត្ថិភាព និងទទួលបណ្តឹងពីអាណាព្យាបាលជនរងគ្រោះ ។
ចំពោះមុខផ្នែកជំនាញខណ្ឌប៉ុស្តិ៍កំពុងធ្វេីការស្រាវជ្រាវកំណត់អត្តសញ្ញាណជនសង្ស័យ ៕

 

មតិយោបល់