ភ្នំពេញ: អនុវត្តតាមការដឹកនាំបញ្ជាផ្ទាល់ពី លោក​ ជា ពិសី អភិបាល នៃគណ:អភិបាលខណ្ឌឬស្សីកែវ និងជាប្រធានគណ:បញ្ជាឯកភាពខណ្ឌ ថ្ងៃទី១៧ ខែមិនា ឆ្នាំ២០១៩ វេលាម៉ោង ១១ និង០០ នាទីព្រឹក លោកវីរ:សេនីយ៍ត្រី អ៊ីវ ឈុនផេង អធិការរងនគរបាលខណ្ឌឬស្សីកែវ ដឹកនាំបញ្ជាកម្លាំងនគរបាល និងប្រជាការពារ សហការជាមួយ គណ:បញ្ជាការឯកភាពសង្កាត់ ចុះបង្ក្រាបទីតាំងបើកល្បែងហ្គេមបាញ់ត្រីមួយកន្លែង ស្ថិតនៅក្រុមទី១ ភូមិបាក់ទូក សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ (តំបន់ផ្លូវរទេះភ្លើង)។

ក្នុងប្រតិបត្តិការដ៏ក្ដៅគគុកនេះ កម្លាំងសមត្ថកិច្ច នៃគណ:បញ្ជាការឯកភាពខណ្ឌ បានធ្វើដកហូត ទូរហ្គេម ចំនួន ០២ គ្រឿង យកមករក្សាទុកនៅសាលាខណ្ឌ ដើម្បីអនុវត្តតាមនីតិវិធីច្បាប់ជាបន្ត៕