Post News Media ព័ត៌មានជាតិ ​ឃាត់ខ្លួន​បុ...

​ឃាត់ខ្លួន​បុរស​ម្នាក់​តាម​ដីកា​តុលាការ ពាក់ព័ន្ធ​ករណី​ឆបោក​

បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃទី​១៣ ខែមិនា ឆ្នាំ​២០១៩ វេលា​ម៉ោង ១០​និង​០០​នាទី នៅ​ភូមិ​គគីរ ឃុំ​កោះ ស្រុក​ពញាក្រែក ខេត្ត​ត្បូងឃ្មុំ កម្លាំង​នគរបាល​ខេត្តបាត់ដំបង បាន​សហការ​ជាមួយ​នគរបាល​ខេត្ត​ត្បូងឃ្មុំ បាន​អនុវត្ត​ដីកានាំខ្លួន​លេខ​១៦ អក ចុះ​ថ្ងៃទី​០១ ខែមីនា ឆ្នាំ​២០១៩ ដោយ​សាលាដំបូង​ខេត្តបាត់ដំបង ឲ្យ​ចូលខ្លួន​ឈ្មោះ​ស៊ិន សោម ភេទ​ប្រុស អាយុ ៤៦​ឆ្នាំ រស់នៅ​ភូមិ​ដូង ឃុំ​បឹងរាំង ស្រុក​កម្រៀង ខេត្តបាត់ដំបង ត្រូវ​ចោទ​ពីបទ​ឆបោក ប្រព្រឹត្ត​នៅ​ចំណុច​ភូមិ​ដូង ឃុំ​បឹងរាំង ស្រុក​កម្រៀង កាលពី​ខែ​វិ​ចិ្ឆ​កា ឆ្នាំ​២០១៨​ ។

​ក្រោយ​អនុវត្ត​សម្រេច សមត្ថកិច្ច​បាន​បញ្ជូន​ជនល្មើស​ឲ្យ​ទៅ​សាលាដំបូង​ខេត្តបាត់ដំបង ដើម្បី​ចាត់ការ​បន្ត​តាម​នីតិវិធី៕