ភ្នំពេញ: កាលវេលាម៉ោង២ និង៣៥នាទី រសៀលថ្ងៃទី១៧ ខែមិនា ឆ្នាំ២០១៩ មានករណីអគ្គិភ័យឆេះផ្ទះប្រជាពលរដ្ឋអស់ ៥១ខ្នង ក្នុងនោះផ្ទះធំចំនួន២ខ្នង ស្ថិតនៅភូមិព្រែកទល់ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
សមត្ថកិច្ច បានឲ្យដឹងថា នៅមុនពេលកើតហេតុ ប្រជាពលរដ្ឋបានឃើញអណ្តាតភ្លើងយ៉ាងសន្ធោសន្ធៅ ឆាបឆេះផ្ទះសង់ក្នុងដីឡូត៍ជាច្រើនខ្នង ភ្លាមៗនោះក៏របានរាយការណ៍ទៅសមត្ថកិច្ច និងអាជ្ញាធរហៅរថយន្តមកជួយពន្លត់ភ្លាមៗផងដែរ។
ប៉ុន្តែដោយសារទីតាំង ដែលកើតអគ្គិភ័យនោះ មានផ្លូវតូចចង្អៀត ទើបធ្វើឲ្យរថយន្តពន្លត់អគ្គិភ័យពិបាកបើកចូល និងពិបាកជួយពន្លត់ទាន់ពេលវេលា បណ្តាលឲ្យឆេះរាលដាលផ្ទះ ប្រជាពលរដ្ឋជាច្រើនខ្នង។
មូលហេតុ៖ សង្ស័យទុស្សេខ្សែភ្លើង។
ក្រោយទទួលបានដំណឹងភ្លាម រថយន្តពន្លត់អគ្គិភ័យ សរុបចំនួន១៩គ្រឿង បានបាញ់អស់២៦គ្រឿង ប្រើពេលពន្លត់អស់ចំនួន២ម៉ោង ដោយរថយន្តពន្លត់អគ្គិភ័យ របស់កងរាជអាវុធហត្ថ៣គ្រឿង បានបាញ់អស់៥រថយន្ត និងរថយន្តរបស់ស្រាបៀរ កម្ពុជាចំនួន១គ្រឿង៕
មតិយោបល់