ផ្ទះ ព័ត៌មានជាតិ បុរសម្នាក់ ស្...

បុរសម្នាក់ ស្រវឹងស្រា បើកលុចស៊ីស​ LX470 ស្លាក​លេខ ភ្នំពេញ​ 2S-9668 បុក​របាំង​ថ្ម​ពុះ​ចែក​ទ្រូងផ្លូវ ផ្អើលសមត្ថកិច្ចខណ្ឌចំការមន

0

ភ្នំពេញ:​ កាលពី​វេលា​ម៉ោង​​៩ និង៣០នាទីយប់​ថ្ងៃ​ទី​១៩​ ខែ​មិនា​ ឆ្នាំ​២០១៩ មានករណីគ្រោះថ្នាក់ចរាចរណ៍ បុរស​ម្នាក់​ បានបើក​រថយន្តមួយគ្រឿងយ៉ាង​​លឿន ​ទៅ​បុក​របាំង​ថ្ម​ពុះ​ចែក​ទ្រូង​ផ្លូវ ​បណ្ដាល​ឲ្យ​ដាច់​កង់​ម្ខាង ​ហើយ​រត់​ពី​មុខស្ថានទូត​វៀតណាម ​រហូត​ដល់​វិទ្យាល័យ​បឹងត្របែក ​ទើប​រថយន្ត​ទៅ​មុខ​លែង​រួច ​ស្ថិត​នៅ​តាម​បណ្ដោយ​ផ្លូវ​ព្រះ​មុនីវង្ស ត្រង់​ចំណុច​មុខ​ស្ថានទូត​វៀតណាម​ ស្ថិត​ក្នុង​សង្កាត់​បឹងត្របែក​ ខណ្ឌ​ចម្ការមន។

សមត្ថកិច្ច បាន​ឲ្យ​ដឹង​ថា ​នៅ​មុន​ពេល​កើតហេតុ​ គេ​ឃើញ​បុរស​ម្នាក់​ បើក​រថយន្ត​មួយ​គ្រឿង​ម៉ាកលុចស៊ីស LX470 ពណ៌​ស ​ពាក់​ស្លាក​លេខ ភ្នំពេញ​ 2S-9668 ធ្វើ​ដំណើរពី​ជើង​ទៅ​ត្បូង តាម​បណ្ដោយ​ផ្លូវ​ព្រះ​មុនីវង្ស។ មក​ដល់​ចំណុច​មុខ​ស្ថានទូត​វៀតណាម​ ដោយ​រថយន្ត​មានល្បឿន​លឿន ​ក៏​ជ្រុល​ទៅ​បុក​របាំង​ថ្ម​ពុះ​ចែក​ទ្រូង​ផ្លូវ ​ចំ​ពេញ​មួយ​ទំហឹង​ បាក់អស់​ចំនួន​២ផ្ទាំង
ចំណែក​ឯ​រថយន្ត​​វិញ ​ដាច់​កង់​ម្ខាង​ ហើយបានបន្ថែមល្បឿន​បើក​រត់​តាំង​ពី​ស្ថានទូត​វៀតណាម ​រហូត​ដល់​ចំណុច​មុខ​វិទ្យា​ល័យ​បឹងត្របែក ​ទើប​រថយន្ដ​ទៅ​មុខ​លែង​រួច​។

ភ្លាម​ៗ​នោះ​បុរស​ដែល​ជា​អ្នក​បើក​បរ​ បាន​បើក​ទ្វារ ​រថយន្ត​រត់​គេច​ខ្លួន​បាត់​ស្រមោល​តែ​ម្តង​។

ក្រោយ​ពេលកើតហេតុ សមត្ថកិច្ចជំនាញ​ ចុះធ្វើកាវាស់វែង យករថយន្តបង្ក ទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ ​ដើម្បី​រង់ចាំដោះស្រាយគ្នា តាមផ្លូវច្បាប់ពេលក្រោយ៕

Leave a Reply

This site uses Akismet to reduce spam. Learn how your comment data is processed.