ផ្ទះ ព័ត៌មានជាតិ សមត្ថកិច្ច ឃា...

សមត្ថកិច្ច ឃាត់ខ្លួនបុរសជនជាតិខ្មែរ​អ៊ីស្លាមម្នាក់ ពីបទហិង្សា…

0

បាត់ដំបង: យោងតាមផេកអគ្គស្នងការដ្ឋាននគរបាលជាតិ បានកម្លាំង​ការិយាល័យ​ព្រហ្មទណ្ឌ​កម្រិតធ្ងន់​ បាន​ចុះ​អនុវត្ត​ដីកា​បង្គាប់​ឲ្យ​ចាប់ខ្លួន​លេខ ០៨ ត​/​ព្រះ ចុះ​ថ្ងៃទី​២២ ខែតុលា ឆ្នាំ​២០១៨ របស់​ព្រះរាជអាជ្ញារង ប៉ង់​ ​ចាន់​សុ​យុ​ទ្ធា​រ៉ា អយ្យការ​អម​សាលាដំបូង ។​

​ប្រតិបត្តិការ​នេះ សមត្ថកិច្ច​បានធ្វើ​នៅ​ថ្ងៃទី​២២ ខែមីនា ឆ្នាំ​២០១៩ វេលា​ម៉ោង ១២​និង​០០​នាទី នៅ​ចំណុច​ភូមិ​បាឡាត់ សង្កាត់​រតន: ក្រុង​បាត់ដំបង ខេត្តបាត់ដំបង ។​

​ដីកា​នេះ ​បង្គាប់​ឲ្យ​នាំខ្លួន​ឈ្មោះ សើ ហ្វា​រ៉ា​ក់ ភេទ​ប្រុស អាយុ​២៨​ឆ្នាំ ជនជាតិខ្មែរ សញ្ជាតិ​អ៊ីស្លាម រស់នៅ​ភូមិ​សុ​ភី​២ សង្កាត់​រតន: ក្រុង​ខេត្តបាត់ដំបង ត្រូវបាន​ចោទប្រកាន់​ពីបទ​ហិង្សា​ដោយ​ចេតនា ​មាន​ស្ថាន​ទម្ងន់ទោស ប្រព្រឹត្ត​នៅ​ភូមិ​សូ​ភី​២ សង្កាត់​រតន: ក្រុង​បាត់ដំបង កាលពី​ថ្ងៃទី​២២ ខែមីនា ឆ្នាំ​២០១៤​។

​ក្រោយ​អនុវត្ត​រួច សមត្ថកិច្ច​ជំនាញ​បានរៀបចំ​បញ្ជូន​ជនសង្ស័យ​ទៅកាន់​សាលាដំបូង​ខេត្តបាត់ដំបង ដើម្បី​ចាត់ការ​បន្ត​តាម​នីតិវិធី​៕

Loading...

Leave a Reply

This site uses Akismet to reduce spam. Learn how your comment data is processed.