កណ្តាល: ករណីហិង្សាដោយចេតនាមួយបានកើតឡើងកាលពីថ្ងៃទី២៤ ខែមីនា ឆ្នាំ២០១៩ នៅចំណុចផ្ទះឈ្មោះ ម៉ុន ចម្រើន ក្នុងភូមិព្រែកក្មេង ឃុំព្រែកក្មេង ស្រុកល្វាឯម ខេត្តកណ្តាល។

ដែលជនរងគ្រោះមានឈ្មោះ ផាន ឡូត ភេទប្រុស អាយុ ៣៧ ឆ្នាំ ជាតិ ខ្មែរមុខរបរ កសិករទីលំនៅភូមិឃុំកើតហេតុ។
(របួសក្បាលផ្នែកខាងឆ្វេង ដេរ៣ ថ្នេរ) ។

ចំណែកជនសង្ស័យមានគ្នា ០២ នាក់
ទី១.ឈ្មោះ ចាប សុខុន ភេទប្រុស អាយុ ៣៥ ឆ្នាំ ជាតិខ្មែរ មុខរបរកសិករ ទីលំនៅ ភូមិ-ឃុំកើតហេតុ (ឃាត់ខ្លួន)។
២.ឈ្មោះ យ៉ាម រ៉ុងភេទប្រុស២៦ឆ្នាំ ជាតិខ្មែរ មុខរបរ កសិករ ទីលំនៅ ភូមិ-ឃុំកើតហេតុ (ឃាត់ខ្លួន)។

វត្ថុតាងចាប់យក៖
ច្រវាទូក ០១ប្រវែង២,២០ម៉ែត្រ ។

តាមព័ត៌មានបានឲ្យដឹងថានៅមុនពេលកើតហេតុ ជនរងគ្រោះបានដើរលី ច្រវា មកពីមើល មង នៅបឹងខាងក្រោយភូមិ ពេលមកដល់ចំណុចផ្ទះឈ្មោះម៉ុន ចម្រើន ក៏ជួបនឹងឈ្មោះចាប សុខុន ដែលកំពុងមើលឪពុកចាក់ដីភូមិផ្ទះ ពេលនោះក៏បានធ្វើឲ្យច្រវាវៀសទៅប៉ះក្បាលឈ្មោះ ចាប សុខុន ចំថ្ងាស ហើយកើតជាជម្លោះ ដោយជនសង្ស័យបានយកដុំដីគប់ត្រូវក្បាលអ្នករងគ្រោះផ្នែកខាងឆ្វេង។ ទើបក្លាយជាហិង្សាស្ទុះវាយប្រតាយប្រតប់ចាប់យកច្រវាពីអ្នករងគ្រោះ និងមានបងប្អូនឃាត់ បំបែកចេញរៀងខ្លួន។
បណ្តាលឲ្យជនរងគ្រោះរងរបួសត្រូវបានយកមកមណ្ឌលសុខភាពកោះរះ លាង
របួសនិងដេរចំនួន៣ថ្នេរ។
ក្រោយពេលកើតហេតុកម្លាំងប៉ុស្តិ៍នគរបាលរដ្ឋបាលព្រែកក្មេងបាននាំខ្លួនជនសង្ស័យមកសាកសួរនៅអធិការដ្ឋាននគរបាលស្រុក ដើម្បីសូមគោល ការណ៍និងបន្តចាត់ការតាមនីតិវិធី៕