កណ្ដាលៈ កាលពីវេលាម៉ោង០២រសៀលថ្ងៃទី២៨ ខែមិនា ឆ្នាំ ២០១៩ មានករណីលួចព្រះបដិមា ធ្វើពីស្ពាន់ នៅចំណុចវត្តព្រែកហូរ ស្ថិតក្នុង ភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល។

សម្ភារបាត់បង់៖ រូបព្រះបដិមា (ស្ពាន់) ប្រហែលពី៣០០ ទៅ៤០០អង្គ។ វត្ថុតាងចាប់យក៖ រូបព្រះបដិមា ធ្វើពីស្ពាន់ចំនួន ២៦អង្គ។

សមត្ថកិច្ច បានឲ្យដឹងថា នៅមុនពេលកើតហេតុ គណ:កម្មការវត្ត បានយករូបព្រះបដិមាចំនួន៥,០០០អង្គ ដាក់នៅក្រោបល្ល័ងព្រះជាយូរ មកហើយ មិនដែលមានការបាត់បង់ឡើយ។

លុះដល់ថ្ងៃទី២៨ខែឆ្នាំដដែល វេម៉ោង ៧យប់ ស្រាប់តែឃើញឈ្មោះ ខូវ ម៉េងហាក់ ហៅសាក់ បានយករូបបដិមាចំនួន២៦អង្គ ដែលបានចាប់យកខាងលើ មកប្រគល់ឲ្យ ឈ្មោះមឿន វាសនា ជាកូនសិស្សលោក ទើបដឹងថា មានការបាត់រូបបដិមាខាងលើ ហើយគណ:កម្មការ បានរាយការណ៍ជូនសមត្ថកិច្ច ដើម្បីចុះធ្វើការស្រាវជ្រាវ៕