ភ្នំពេញៈ កម្លាំងល្បាតនគរបាលប៉ុស្តិ៍បឹងកក់ទី២ និងកម្លាំងកងអន្តរាគនម៍ពិសេសរបស់ស្នងការដ្ឋាននគរបាលរាជធានី បានធ្វើការឃាត់ខ្លួនជនសង្ស័យចំនួន២នាក់ ពីបទប្រើប្រាស់គ្រឿងញៀនខុសច្បាប់ កាលពីវេលាម៉ោង១ រំលងអាធ្រាត្រ ឈានចូល ថ្ងៃទី១២ ខែកក្កដា ឆ្នាំ២០១៦ នៅចំណុចផ្លូវរថភ្លើងក្រុមទី១០៦ ភូមិ២៣ សង្កាត់បឹងកក់២ខណ្ឌទួលគោក រាជធានីភ្នំពេញ។
ប្រភពឲ្យដឹងថា ជនសង្ស័យ ទី១- ឈ្មោះហុក ចឹម ហៅ ទឺ ភេទប្រុស អាយុ២៣ឆ្នាំ មុខរបរ បើករថយន្តដឹកស៊ីម៉ងត៍ មានទីលំនៅផ្ទះជួល ភូមិទួលពង្រ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ (អ្នកចូលទិញ)។ ទី២- ឈ្មោះខួន សុខខេង ហៅខេង ភេទប្រុស អាយុ២២ឆ្នាំ មុខរបរបើករថយន្តដឹកក្រណាត់ មានទីលំនៅផ្ទះជួល ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ប្រភពបន្តថា ប្រតិបត្តិការខាងលើនេះ កម្លាំងសមត្ថកិច្ចដកហូតវត្ថុតាងរួមមាន៖ ក្រាមពណ៌សថ្លា០១កូនថង់តូចសង្ស័យជាសារធាតុញៀន និងម៉ូតូចំនួន០១គ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1CY-3033 លេខតួ និងលេខម៉ាស៊ីន9177593 ។
បច្ចុប្បន្ន ជនសង្ស័យទាំង២នាក់ ត្រូវបានឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់៕
មតិយោបល់