ភ្នំពេញៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ បានឲ្យដឹងថា កម្លាំងជំនាញកំពុងស្រាវជ្រាវស្វែងរកម្ចាស់កាំភ្លើងម៉ាក LOCK 19Gen4. AUSTRIA. 9×19 ជាកាំភ្លើងបាញ់គ្រាប់កង់(មូលតូចៗ) មានចំនួន០៨គ្រាប់ ដែលក្រុមជនសង្ស័យយកមកទុកក្នុងរថយន្តសាំយ៉ុងមួយគ្រឿង កាលពីថ្ងៃទី២២ ខែមេសា ឆ្នាំ២០១៩ វេលាម៉ោង១និង៤៥នាទី រំលងអធ្រាត្រ។
លោកអធិការបន្តថា បានទទួលព័ត៌មានពីប្រជាពលរដ្ឋមានរឿងហេតុបែកកញ្ចក់ផ្នែកខាងក្រោយ រថយន្តម៉ាកសាំយ៉ុង ពាក់ស្លាកលេខ ភ្នំពេញ ២P-៤៧៩៤ ដែលចតទុកនៅមុខផ្ទះលេខ២២៤ ផ្លូវ២០០ ភូមិ៧ សង្កាត់បឹងរាំង ខណ្ឌដូនពេញ។ ក្រោយទទួលបានព័ត៌មានភ្លាមលោកអធិការបានចាត់ឲ្យកម្លាំងប៉ុស្តិ៍បឹងរាំង ចុះដល់ចំណុចកើតហេតុខាងលើសាកសួរបំភ្លឺជុំវិញករណីខាងលើ។
ឆ្លងតាមការបំភ្លឺរបស់ឈ្មោះ គួង ណារ៉ា ភេទប្រុស អាយុ២២ឆ្នាំ ជាកូនរបស់ម្ចាស់ឡាន(ខូចខាត)នោះបានអោយដឹងថាគាត់បានឮសំលេងប្រាវក៏បានចេញមកមើលឃើញកញ្ចក់ឡានបែក ហើយបានចូលផ្ទះវិញ យកសោឡានបើកទ្វារពិនិត្យមើលឃើញកូនកាបូបស្ពាយតូចមួយ ពណ៌ទឹកប៊ិចលាយខ្មៅ នៅក្នុងឡានពេលនោះសង្ស័យបានលើកស្ទាបមើលហើយក៏កាន់ដើរទៅជួប
សន្តិសុខ ដែលយាមមុខសណ្ឋាគារឡាក់ សារីវើល ដើម្បីអោយជួយមើល សន្តិសុខនោះបានរូតកាបូបមើលឃើញ មានកាំភ្លើងខ្លីមួយដើមម៉ាកLOCK 19Gen4. AUSTRIA. 9×19 ជាកាំភ្លើងបាញ់គ្រាប់កង់(មូលតូចៗ) មានចំនួន០៨គ្រាប់នៅក្នុងបង់និងនៅក្នុងថង់ផ្លាសស្ទិកចំនួន០៩គ្រាប់ទៀតសន្តិសុខនោះបានផ្តល់ព័ត៌មានមកសមត្ថកិច្ចយើង។
ឆ្លងតាមការបំភ្លឺរបស់អ៊ុត សោភ័ណ ភេទប្រុស អាយុ២៧ឆ្នាំ ជាសន្តិសុខយាមមុខសណ្ឋាគារបានរៀបរាបលថានៅវេលាម៉ោង០១នឹង៣០នាទី បានឃើញម៉ូតូចំនួន២គ្រឿង ជិះមកពីទិសខាងកើតតាមបណ្តាយផ្លូវ២០០ និងមានម៉ូតូមួយគ្រឿង ម៉ាកណាយហ័ត ពណ៌ខ្មៅស្លៀកពាក់ ឯកសណ្ឋានជាអាវុធហត្ថ ជិះដេញពីក្រោយមកដល់ចំណុចខាងលើឮសូរប្រាវ ហើយម៉ូតូនោះក៏ជិះហួសទៅទិសខាងលិចឆ្ពោះទៅផ្លូវមុន្នីវង្សបាត់អស់ទៅ។ បច្ចុប្បន្នអាវុធខ្លីប៉ុស្តិ៍បឹងរាំងបានទទួលយកមករក្សាទុកបណ្តោះអាសន្ន ចំពោះមុខសុំគោលការណ៍ស្រាវជ្រាវបន្ត ៕
មតិយោបល់