Post News Media ព័ត៌មានអន្តរជាតិ អាមេរិក នឹងមិ...

អាមេរិក នឹងមិនស្វែងរកការអន្តរាគមន៍ពីយោធា នៅអ៊ីរ៉ង់ទេ

អាមេរិក: រដ្ឋមន្ត្រីក្រសួងការបរទេសលោក Mike Pompeo បានរាយការណ៍ប្រាប់ក្រុមមេដឹកនាំសហគមន៍អ៊ីរ៉ង់-អាមេរិកថា រដ្ឋបាលលោក ត្រាំ មិនបានស្វែងរកការផ្លាស់ប្តូររបបសាធារណរដ្ឋអ៊ិស្លាម តាមរយ:ការអន្តរាគមន៍ពីយោធា ដោយផ្ទាល់នោះទេ។ ​នេះបើយោងតាមសារព័ត៌មាន Sputnik ចេញផ្សាយនៅថ្ងៃទី២២ ខែមេសា ឆ្នាំ២០១៩។

ខណ:នៅក្នុងកិច្ចប្រជុំបិទទ្វារ ជាមួយមេដឹកនាំសហគមន៍អ៊ីរ៉ង់ ១៥នាក់ នៅសណ្ឋាគារ Renaissance Dallas នៅថ្ងៃច័ន្ទនេះ លោក Pompeo បានបញ្ជាក់អំពីជំហររដ្ឋបាលអាមេរិកយ៉ាងដូច្នោះ។

ដោយអំឡុងពេលកិច្ចប្រជុំនោះ លោក Pompeo ត្រូវបានគេសួរថា «ប្រសិនបើការផ្លាស់ប្តូររបប មិនបានកើតឡើងនៅក្នុងប្រទេសអ៊ីរ៉ង់ តើចុងបញ្ចប់នៃចំណាត់ការអាមេរិក នឹងធ្វើដូចម្ដេច?» រដ្ឋមន្ត្រីការបរទេសអាមេរិក បានឆ្លើយតបថា រដ្ឋបាលលោក មានការប្រុងប្រយ័ត្នបំផុត គឺមិនប្រើប្រាស់ភាសាផ្លាស់ប្តូររបបនោះទេ ហើយក៏មិនមានផែនការប្រើយោធា ដើម្បីអន្តរាគមន៍ នៅអ៊ីរ៉ង់ដែរ៕