ព័ត៌មានជាតិ

កុំចេះតែហ៊ាន! ក្មេងទំនើង ២នាក់ ជិះម៉ូតូកែច្នៃខុសលក្ខណៈបច្ចេកទេស ត្រូវសមត្ថកិច្ចឃាត់ខ្លួន

ឧត្ដរមានជ័យ: នៅថ្ងៃទី ០៩ ខែឧសភាឆ្នាំ ២០១៩ កម្លាំងនគរបាលស្រុកបន្ទាយអំពិល សហការជាមួយអាវុធហត្ថស្រុក បានចុះត្រួតពិនិត្យអាវុធជាតិផ្ទុះ និងធ្វើការអប់រំច្បាប់ចរាចរណ៍ ដល់ប្រជាពលរដ្ឋ ដោយមិនផាកពិន័យ នៅលើដងផ្លូវជាតិលេខ៥៦ ស្ថិតក្នុងភូមិត្បែងថ្មី ឃុំអំពិល ស្រុកបន្ទាយអំពិល ខេត្តឧត្តរមានជ័យ។

ក្នុងប្រតិបត្តិការនោះ បានធ្វើការឃាត់អប់រំ ក្មេងទំនើងចំនួន ០២ នាក់ និងម៉ូតូកែច្នៃខុសលក្ខណ:បច្ចេកទេសចំនួន ០២គ្រឿង ពាក់ព័ន្ធទៅនឹងការកែបំពង់ស៊ីម៉ាំង បំពងសំទ្បេងឮខ្លាំង ធ្វើឲ្យរំខានដល់អ្នកដទៃ ហើយតម្រូវឲ្យយកស៊ីម៉ាំងដើម ដែលមានសំឡេងស្ងាត់មកបំពាក់ឡើងវិញ និងបានធ្វើកិច្ចសន្យាអប់រំ។

ក្រោយមកក្មេងទំនើងខាងលើ ត្រូវបានសមត្ថកិច្ច ប្រគល់ទៅឲ្យអាណាព្យាបាល ទទួលត្រឡប់ទៅមូលដ្ឋានវិញ៕

មតិយោបល់